არასამთავრობო ორგანიზაცია Oxfam-ის კვების ეროვნული კვლევის თანახმად, საქართველოში ხილი და ხორცი მხოლოდ გამოკითხული მაღალშემოსავლიანი ოჯახებისთვის არის ხელმისაწვდომი.

როგორც კვლევაშია აღნიშნული, საქართველოში ყველაზე ხშირად შემწვარ კარტოფილს, ლობიოს და აჯაფსანდალს ამზადებენ. კერძოდ, შემწვარ კარტოფილს 41% ამზადებს, ლობიოს- 23%, აჯაფსანდალს კი 16%.

საკვების მოსამზადებლად ყველაზე ხშირად გამოყენებული პროდუქტების მონაცემების გაანალიზება შემოსავლების მიხედვით, აჩვენებს, რომ დაბალი შემოსავლების მქონე მოსახლეობა ძირითადად საკვებს ამზადებს ძირხვენებისგან - 68%, ხოლო მაღალი შემოსავლების ჯგუფი - 73% ხორცისგან. მთაში უხშირესად საკვებს ამზადებენ ძირხვენის გამოყენებით - 79%, ხორციანი საკვები მზადდება მხოლოდ 37%-ში.

„დასკვნის სახით უნდა აღინიშნოს, რომ საქართველოს მოსახლეობა შეგვიძლია დავახასიათოთ, როგორც უპირატესად ნახშირწყლოვანი საკვების მომხმარებელი, რომელიც განიცდის ცილოვანი, ვიტამინებითა და მინერალებით მდიდარი საკვების დეიფიციტს. მოზრდილებისა და ბავშვების მონაცემების შედარებით გამოვლენილი სხვაობა, კიდევ ერთხელ ადასტურებს იმ ფაქტს, რომ შინამეურნეობებში არ ხდება ყველა ოჯახის წევრების საჭიროების გათვალისიწნება და საკვების თანაბრად გადანაწილება, რაც არა მხოლოდ საკვებზე ხელმისაწვდომობის პრობლემებით არის გამოწვეული, არამედ მოსახლეობის ცოდნის დეფიციტს უკავშირდება“, - აღნიშნულია კვლევაში.

ცნობისათვის, კვლევის საველე სამუშაოები 2015 წელს განახორციელა ACT ანალიზისა და კონსულტაციის ჯგუფმა. რაოდენობივი კვლევის ფარგლებში, 1000 ინდივიდუალური ინტერვიუ ჩატარდა საქართველოში მაცხოვრებელ ოჯახებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას