„საპარლამენტო რესპუბლიკის ფორმატში ისეთ საპრეზიდენტო ინსტიტუტზე უნდა ვიმსჯელოთ, რომელიც მის როლს და მნიშვნელობას ინსტიტუციურად არ დააკნინებს“, - ამის შესახებ საპარლამენტო უმრავლესობის წევრმა კობა ნარჩემაშვილმა საკონსტიტუციო კომისიის სხდომის დასრულების შემდეგ განაცხადა.

როგორც დეპუტატმა აღნიშნა, დღევანდელ სხდომაზე პრეზიდენტის არჩევის წესზე არ უმსჯელიათ.

მისივე განმარტებით, საუბარი ისეთი ტიპის საპრეზიდენტო ინსტიტუტის არსებობაზე იყო, რომელიც ხელისუფლების სხვადასხვა შტოების გამართულ ფუნქციონირებას ხელს შეუწყობს.

„კონკრეტულ უფლებამოსილებებზე საუბარი არ იყო. საუბარი იყო ზოგადად ისეთი ტიპის საპრეზიდენტო ინსტიტუტის არსებობაზე, როგორიც შესაძლებელია არსებობდეს საპარლამენტო რესპუბლიკის შემთხვევაში, რომელზეც ჩვენ გვაქვს აქცენტი აღებული. როგორი რესპუბლიკაც გაგვაჩნია, ასეთ პირობებში რა ტიპის საპრეზიდენტო ინსტიტუტზე უნდა გვქონდეს საუბარი, რომ ისეთი იყოს, რომელიც სხვადასხვა შტოების გამართულ ფუნქციონირებას და ურთიერთთანამშრომლობას ხელს შეუწყობს ხელს“, -განაცხადა კობა ნარჩემაშვილმა.

„საუბარი არ შეეხებოდა კონკრეტულ უფლებამოსილებებს. საუბარი იყო ზოგადად ისეთი ტიპის საპრეზიდენტო ინსტიტუტის არსებობაზე, როგორიც შესაძლებელია არსებობდეს საპარლამენტო რესპუბლიკაში, რომელზეც ჩვენ გვაქვს აქცენტი აღებული. ეს უნდა იყოს ისეთი საპრეზიდენტო ინსტიტუტი, რომელიც მაქსიმალურად შეუწყობს ხელს ხელისუფლების სხვადასხვა შტოების გამართულ ფუნქციონირებას და ურთიერთ თანამშრომლობას“, - განაცხადა კობა ნარჩემაშვილმა.

ცნობისთვის, დღეს საკონსტიტუციო კომისიის ფარგლებში, პრეზიდენტის, მთავრობისა და თავდაცვის საკითხთა სამუშაო ჯგუფის სხდომა გაიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს