ფრაქცია „ქართული ოცნების“ თავმჯდომარის მამუკა მდინარაძის განცხადებით,  „ნაციონალურმა მოძრაობამ" სპექტაკლები დადგა, თითქოს მხოლოდ ისინი შრომობდნენ და აკეთებდნენ საქმეს, რათა გიორგი ცერცვაძე უცხო ქვეყანაში დაცული ყოფილიყო.

 "რეალურად, ამას ჰქონდა მეორე მხარე, და არ იყო მხოლოდ ისე, როგორც საინფორმაციო საშუალებებიდან ხდებოდა საზოგადოებისთვის ცნობილი, იყო ფორმალური, არაფორმალური კონტაქტები დამყარებული, უამრავი კონსულტაცია იყო ამ საქმესთან დაკავშირებით, საბოლოოდ ძალიან კარგი იყო ის შედეგი, რამაც უზრუნველყო საქართველოს მოქალაქის გათავისუფლება",-აღნიშნა მდინარაძემ.

შეგახსენებთ, რომ გია ცერცვაძე პატიმრობიდან გუშინ გაათავისუფლეს. ქართველი ჯარისკაცი უკრაინაში 15 იანვარს დააკავეს. იგი რუსეთის მოთხოვნის საფუძველზე, ინტერპოლის ძებნილა სიაში იყო. რუსული მხარე მას მკვლელობასა და მკვლელობის მცდელობაში ედავება და ცერცვაძის ექსტრადირებას ითხოვს. რუსეთის მტკიცებით, გია ცერცვაძემ, რომელიც 2008 წელს აგვისტოს ომში და შემდეგ უკრაინის ომში იბრძოდა, 2003 წელს სოჭში ადამიანი მოკლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს