„გაზპრომის ხელშეკრულების გაფორმება, არის მძიმე დარტყმა, რომელიც ჩვენი ქვეყნის დამოუკიდებლობას, უსაფრთხოებას და მოქალაქეების კეთილდღეობას ზიანს აყენებს, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ მთავრობის ადმინისტრაციის წინ გამართულ „გაზპრომის“ საწინააღმდეგო აქციაზე განაცხადა.

როგორც ბოკერიამ აღნიშნა, გაფორმებული ხელშეკრულება, კომერციულად მომგებიანი არ არის. მანვე დასძინა, რომ მთავრობამ ხელშეკრულების დეტალები საზოგადეობას უნდა გააცნოს.

„ივანიშვილის გუნდმა, კახი კალაძემ მთავრობამ და პრემიერ-მინისტრმა, გაზპრომთან ამ ხელშეკრულებით ქვეყნის კეთილდღეობას ზიანი მიაყენეს. წლების განმავლობაში, შევარდნაძის უსუსტესი მთავრობიდან მოყოლებული, არსებული ხელშეკრულება, რომელიც რუსეთთან მიმართებაში მეტ დაცვას გვაძლევდა და ჩვენთვის მომგებიანი იყო, არგუმენტების გარეშე იცვლება. მათ დოკუმენტიც კი არ გვანახეს, ამბობენ, რომ კომერციული საიდუმლოა. ეს აბსურდია, ჩვენი მონაცემებით ხელშეკრულებით საქართველო კომერციული თვალსაზრისითაც აგებს“, - განაცხადა გიგა ბოკერიამ.

მისივე თქმით, ივანიშვილის გუნდმა ამ ხელშეკრულების გამო, მაქსიმალურად უნდა აგოს პოლიტიკური პასუხი.

„უნდა ჩამოყალიბდნენ რომელ ცრუ მითებს „აწვებიან“. მათ ან ვერ, ან არ გაუძლეს „გაზპრომის ზეწოლას“, - დასძინა ბოკერიამ.

ცნობისთვის, მთავრობის ადმინისტრაციასთან „გაზპრომთან“ გაფორმებული ხელშეკრულების საწინააღმდეგო აქცია მიმდიანრეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს