დონალდ ტრამპი: ვინც ინაუგურაციას არ დაესწრება, ბილეთები დააბრუნოს

2017-01-18 17:45:07, 1267 ნახვა

პოლიტიკა

ამერიკის შეერთებული შტატების ახლადარჩეული პრეზიდენტის დონალდ ტრამპის განცხადებით, მათ, ვინც მის ინაუგურაციაზე დასწრებას არ აპირებენ, ბილეთები უკან უნდა დააბრუნონ.

ტრამპის განცხადებას Fox News-ი ავრცელებს.

"თუ ადამიანები არ მოვლენ ინაუგურაციაზე, ეს ნორმალურია. მაგრამ ბილეთები დააბრუნონ, გვჭირდება", - განაცხადა ტრამპმა.

ცნობისთვის, აშშ-ის 45-ე პრეზიდენტის ინაუგურაციას 50-მდე კონგრესმენმა ბოიკოტი გამოუცხადა.

ამასთან, 17 იანვარს, ვაშინგტონში, ერთ-ერთმა მოქალაქემ პროტესტის ნიშნად თავის დაწვა სცადა. მამაკაცი მრავლობითი დამწვრობებით საავადმყოფოშია გადაყვანილი.

აღსანიშნავია, რომ ტრამპის ინაუგურაციის გაპროტესტების პირობა ათასობით მოქალაქემ დადო. ისინი გზების გადაკეტვას გეგმავენ.

შეგახსენებთ, აშშ-ის ახლადარჩეული პრეზიდენტის, დონალდ ტრამპის ინაუგურაცია 20 იანვარს ვაშინგტონში გაიმართება. დონალდ ტრამპი მოქმედ პრეზიდენტს ბარაკ ობამას შეცვლის.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან