პარლამენტის ჯანდაცვის კომიტეტის თავმჯდომარემ აკაკი ზოიძემ კლინიკების ნაწილს საამქროები უწოდა. ამის შესახებ ზოიძემ ჯანდაცვის სამინისტროში გამრთულ შეხვედრაზე განაცხადა. 

როგორც ზოიძემ აღნიშნა, მსგავსი ტიპის კლინიკები პაციენტების ინტერესების საზიანოდ სახელმწიფოდან ფულის გადამუშავებას ემსახურებიან.

„წინასაარჩევნო პერიოდში არაერთხელ გაჟღრდა მოსაზრებები იმის თაობაზე, რომ საყოველთაო ჯანდაცვის რეფორმირების დროა. ამ პროგრამამ ძალიან ბევრ ადამიანს შვება მოუტანა, ბევრი სიკვდილს გადაარჩინა. დღეს უკვე დადგა და დაბრუნდა  იმის გამოცდილება, რომ შეიძლება აღნიშნული პროგრამის სრულყოფა, როგორც ეს ბევრ ქვეყანაში ხდება. მისასალმებელია  ის ფაქტი, რომ ეს იწყება, პაციენტის უსაფრთხოების და სამედიცინო მომსახურების ხარისხის მიმართულებით. ეს არის ძირითდი ლოზუნგი. დღეს პრობლემებია წამლების ხელმისაწვდომობასთან დაკავშირებით განსაკუთებით მოწყვლადი ჯგუფისთვის და ამ პროგრამის მიზანი იქნება სწორედ აი ამ ნაწილს მივაწოდოთ ეს მომსახურება და ამბულატორიული მედიკამენტები ჩავრთოთ. ეს არ იქნება ერთჯერადი ზომა. პირველ ეტაპზე შევეხებით იმ ოდიოზურ კლინიკებს, კლინიკებს ვერ დავარქმევ  - ეს  არის საამქრო, რომელიც ემსახურება კონკრეტულად საელმწიფოდან ფულის გადამუშავებას. შესაბამისად, მუშაობენ  იმ ადამინების ინტერესებისთვის, რომლებიც ამ საამქროებს ფლობენ და ძალიან ხშირ შემთხვევაში პაციენტების ინტერესებს აზიანებენ“, - აღნიშნა აკაკი ზოიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი