პრეზიდენტის საპარლამენტო მდივნის ანა დოლიძის განცხადებით, საქართველოს პარლამენტის წინაშე არის საკმაოდ რთული ამოცანა, დაიცვას ფაქიზი ბალანსი, ერთის მხრივ ადამიანის უფლებებსა და მეორეს მხრივ სახელმწიფო უსაფრთხოებას შორის.

 ამის შესახებ დოლიძემ საკანონმდებლო ორგანოში განაცხადა, სადაც ფარული საგამოძიებო მოქმედებების საკანონმდებლო რეგულირების მიზნით შექმნილი სამუშაო ჯგუფი პირველ შეხვედრას მრთავს.

"არსებობს, გარკვეული სკეპტიციზმი, ბუნებრივია ჩვენი სამართალდამცავი სტრუქტურების მიმართ, ისტორიული გამოცდილებიდან გამომდინარე, მაგრამ არსებობს ასევე საფრთხის მომცველი, რთული გეოპოლიტიკური გარემო, რომელიც საქართველოსთან მიმართებაში არის და წარმოადგენს გარკვეულ გამოწვევებს. ეს არის რთული ამოცანა და საქართველოს პარლამენტს თავის კანონშემოქმედებით საქმიანობაში ჩვენ მხოლოდ და მხოლოდ წარმატებას ვუსურვებთ. საქართველოს პარლამენტი დაყენებულია იმ რეალობის წინაშე, მან უნდა შეიმუშავოს ახალი მოდელი, რომელიც დააკმაყოფილებს ერთის მხრივ ჩვენს კონსტიტუციურ წყობას, ადამიანის უფლებებს, ასევე დაიცავს ჩვენს მოქალაქეებს. ეს ყველაფერი იმის გათვალისწინებით , რომ ჩვენ არაერთხელ გვინახავს, ჩვენი მოქალაქეების საწინააღმდეგოდ გამოიყენებოდა ყველა ეს ბერკეტი წარსულში",-აღნიშნა დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს