ადვოკატ ბექა ბასილაიას განცხადებით, თბილისის ყოფილი მერი გიგი უგულავა პატიმრობიდან დღესვე უნდა გათავისუფლდეს.

როგორც ადვოკატმა განმარტა, უგულავას პატიმრობის ვადა 9 იანვარს გასდის, მაგრამ რადგან უქმე დღეები ემთხვევა, მისი გათავისუფლება დღესვე უნდა მოხდეს.

„სასამართლოსგან მივიღეთ ვერდიქტი, რომ გიგი გამართლებული დარჩა იმ ეპიზოდში, რომელშიც მანამდეც იყო გამართლებული. ხოლო „თბილსერვისის“ ეპიზოდთან დაკავშირებით სასამართლომ მიიღო გადაწყვეტილება, რომ გაფლანგვის ბრალდება მოუხსნა და 337-ე მუხლი დაუტოვა, რაც სამსახურებრივი უფლებამოსილების გადამატებას გულისხმობს“,-განაცხადა ბასილაიამ.

ცნობისთვის, სააპელაციო სასამართლომ თბილისის ყოფილ მერს  გიგი უგულავას პატიმრობის ვადა გაუნახევრა. მოსამართლის გადაწყვეტილებით, განაჩენში ცვლილება შევიდა, გიგი უგულავას სასჯელი შეუმცირდა და პატიმრობის ვადად 1 წელი და 9 თვე განესაზღვრა, თუმცა „ამნისტიის შესახებ“ კანონის გათვალისწინებით, საბოლოოდ, 1 წლით, 3 თვითა და 22 დღით თავისუფლების აღკვეთა მიესაჯა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს