არც ერთი ადამიანი არ გვყავს  ჩვენ დასაკარგი, მაგრამ ადამიანის არდაკარგვა არ ნიშნავს, რომ ბევრი ადამიანი უნდა მუშაობდეს სახელმწიფო აპარატში, - ამის შესახებ საქართველოს პრემიერ-მინისტრმა გიორგი კვირიკაშვილმა "საზოგადოებრივ მაუწყებელთან" ინტერვიუში განაცხადა.

პრემიერმა ბოდიში მოუხდა საჯარო სამსახურიდან გათავისუფლებულ ადამიანებს, რომლებსაც, მისი თქმით, გული ეტკინათ, და აღნიშნა, რომ სახელმწიფო აპარატში უნდა მუშაობდეს იმდენი ადამიანი, რამდენიც საქმის გაკეთებას სჭირდება.

"მე მინდა, იმ ადამიანებს ბოდიში მოვუხადო, ვისაც გული ეტკინა ამ შემთხვევაში. მინდა, გითხრათ აბსოლუტური გულწრფელობით, რომ ყველა ჩვენგანი ამას ძალიან განვიცდით. არც ერთი ადამიანი არ გვყავს  ჩვენ დასაკარგი, მაგრამ ადამიანის არდაკარგვა არ ნიშნავს, რომ ბევრი ადამიანი უნდა მუშაობდეს სახელმწიფო აპარატში. სახელმწიფო აპარატში უნდა მუშაობდეს იმდენი ადამიანი, რამდენიც საქმის გაკეთებას სჭირდება და რამდენიც იქნება მოტივირებული, რომ ეს საქმე გააკეთოს“,-აღნიშნა გიორგი კვირიკაშვილმა.

პრემიერი აქვე თავდაცვის სამინისტროსაც შეეხო და აღნიშნა, რომ ეს უწყება ამოტრიალებულ პირამიდას დაემსგავსა. პრემიერმა თავდაცვის მინისტრ ლევან იზორიას "ურთულესი რეფორმის" გატარების დაწყებისთვის მადლობა გადაუხადა.

„ჩვენი თავდაცვის სამინისტრო დაემსგავსა ამოტრიალებულ პირამიდას, როდესაც ჩვენ გვყავს იმაზე მეტი ზურგის თანამშრომელი, ვიდრე უნდა გვყავდეს, ედა ჩინის ოფიცრები იმაზე მეტი, ვიდრე უნდა გვყავდეს და ასე შემდეგ. ამიტომ იძირითადად, ეს რეფორმა ეხება თავდაცვის სამინისტროს სწორი სტრუქტურის ჩამოყალიბებას. მინდა, ნამდვილად მადლობა გადავუხადო ლევან იზორიას, რომელმაც ურთულესი რეფორმა დაიწყო. როგორც ადამიანური, ისე ტექნიკური თვალსაზრისით ეს არის ურთულესი რეფორმა. დამერწმუნეთ, რომ ჩვენ ძალ-ღონეს არ დავიშურებთ, რომ ყველა იმ ადამიანს, ვინც დარჩა სამსახურის გარეშე, რაღაც კუთხით ხელი შევუწყოთ. ზოგს მიეცა კომპენსაცია. მე მივეცი მითითება სოფლის მეურნეობის მინისტრს, ეკონომიკის მინისტრს, რომ პროგრამებში შევქმნათ დამატებითი სტიმულები, შევიტანოთ წამახალისებელი კომპონენტები, სპეციალურად ასეთი ადამიანებისთვის, რომ მათ მივცეთ საშუალება, გააგრძელონ ცხოვრება და დარწმუნებული ვარ, რომ ჩვენ ამას შევძლებთ“,- განაცხადა საქართველოს პრემიერ-მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა