საქართველოს პრეზიდენტის მრჩეველმა ადამიანის უფლებათა დაცვის საკითხებში კახა კოჟორიძემ დღეს საქართველოს პრეზიდენტის დავალებით სოფელ ხურვალეთში, საოკუპაციო ზოლში მცხოვრები დათა ვანიშვილი მოინახულა, პრეზიდენტის მადლობის წერილი და საახალწლო მილოცვა გადასცა.

პრეზიდენტის ადმინისტრაციის პრესსამსახურის ინფორმაციით, რუსი სამხედროების გაფრთხილების მიუხედავად, სოფელ ხურვალეთში მცხოვრები 82 წლის დათა ვანიშვილმა, 2010 წლის შემდეგ პირველად, მოახერხა ოქტომბრის საპარლამენტო არჩევნებში მონაწილეობის მისაღებად მავთულხლართების გადმოლახვა.

კახა კოჟორიძის განცხადებით, საქართველოს პრეზიდენტი განსაკუთრებულ მადლობას უხდის დათა ვანიშვილს ამ სამოქალაქო თვითშეგნების გამოვლენისათვის.

„2016 წელი იყო საპარლამენტო არჩევნების წელი. საქართველოს პრეზიდენტმა და მისმა ადმინისტრაციამ აწარმოა მასშტაბური კამპანია, რომ რაც შეიძლება მეტ მოქალაქეს მიეღო არჩევნებში მონაწილეობა და აი, ამ ფონზე, ბატონმა დავითმა სამოქალაქო გმირობა ჩაიდინა. მიუხედავად იმისა, რომ მას საკუთარი ეზო მავთულხლართებით აქვს შემოსაზღვრული, ვერ დაუდეს საზღვარი მის თავისუფლებას, სამშობლოსადმი სიყვარულს და სამოქალაქო თვითშეგნებას. მან ყველა დაბრკოლების მიუხედავად, გადმოიარა მავთულხლართები და დააფიქსირა საკუთარი არჩევანი. მე მაქვს დღეს დიდი პატივი, საქართველოს პრეზიდენტის სახელით ჩამოვსულიყავი, გადმომეცა მისთვის პრეზიდენტისაგან მადლობის წერილი და მიმელოცა ახალი წელი სიმბოლური საჩუქრით", - აღნიშნა საქართველოს პრეზიდენტის მრჩეველმა მართლმსაჯულებისა და ადამიანის უფლებათა საკითხებში კახა კოჟორიძემ.

კახა კოჟორიძის განცხადებით, ბატონი დავითის სამოქალაქო გმირობა მაგალითია თითოეული ქართველისათვის.

„ვფიქრობთ, რომ გაიზრდება არჩევნებში მონაწილე მოქალაქეთა რაოდენობა, თუ ჩვენ კარგად გავიაზრებთ  ბატონი დავითის ქმედებას, თუ თითოეული ადამიანი, რომელიც ყოყმანობს არჩევნებში მონაწილეობის მიღებას, გაიხსენებს მის სამოქალაქო გმირობას" - განაცხადა კახა კოჟორიძემ.

დათა ვანიშვილმა მადლობა გადაუხადა საქართველოს პრეზიდენტს გამოჩენილი ყურადღებისათვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს

ჰორმუზის სრუტესთან დაკავშირებული მოლაპარაკებების ჩაშლის შემდეგ, აშშ-მ და ირანმა ორმხრივი დაბომბვები განაახლეს

ივნისში საქართველოს ექსპორტი 20%-ით, $771 მილიონ დოლარამდე გაიზარდა, იმპორტის ზრდა კი 7% იყო