მიმდინარე წლის 1-ლი აგვისტოდან დეკემბრამდე მიწის რეფორმის ფარგლებში ფაქტების კონსტატაციით 600-ზე მეტმა მოქალაქემ ისარგებლა. აღსრულების ეროვნული ბიუროს სერვისით მოქალაქეებს მათ მფლობელობაში არსებულ მიწაზე საკუთრების რეგისტრირება  უფრო სწრაფად და მარტივად შეუძლიათ.

ფაქტების კონსტატაციის სერვისით სარგებლობა იმ შემთხვევაშია საჭირო, როდესაც საკუთრების უფლების დამდგენი დოკუმენტით არ არის შესაძლებელი, მაგალითად, მიწის ნაკვეთის მდებარეობის, საზღვრების, მახასიათებლების, სამეზობლო დავების და ა. შ. ზუსტად გარკვევა. ასეთ შემთხვევებში, აღსრულების ეროვნული ბიუროს წარმომადგენელი უშუალოდ ცხადდება ადგილზე, ადგენს არსებულ ფაქტებს, იღებს ფოტო- და ვიდეომასალას და ადგენს ოქმს, რომელიც მონაწილე მხარეების, მაგალითად, მეზობლების, უშუალოდ განმცხადებლის და ა. შ. ხელმოწერით დასტურდება.

4 თვის განმავლობაში მიწის რეფორმის ფარგლებში ფაქტების კონსტატაციის სერვისის გამოყენებისთვის საჯარო რეესტრმა აღსრულების ეროვნულ ბიუროს 622 განცხადებაზე მიმართა; აქედან 596 საქმე უკვე შესრულებულია, ხოლო დანარჩენზე წარმოება მიმდინარეობს.

აღსანიშნავია, რომ  რეფორმის ფარგლებში ფაქტების კონსტატაციის მომსახურება უფასოა და მოქალაქეებისგან დამატებითი ხარჯისა და პროცედურების გავლას არ საჭიროებს. 

როგორც ცნობილია, 1-ლი აგვისტოდან დაიწყო რეფორმა, რომელიც მიწის რეგისტრაციას ამარტივებს და მას მოქალაქეებისთვის მაქსიმალურად ხელმისაწვდომს ხდის. მისი მიზანი იმ სირთულეების აღმოფხვრაა, რომელთაც მიწის ნაკვეთების მფლობელები ქონების რეგისტრაციის პროცესში აწყდებოდნენ.

ფაქტების კონსტატაციის სერვისი აღსრულების ეროვნულ ბიუროში 2012 წლიდან არსებობს, თუმცა სერვისზე მოთხოვნა ბოლო წლების განმავლობაში მკვეთრად გაიზარდა. 2013-14 წლებთან შედარებით, 2016 წელს ფაქტების კონსტატაციით თითქმის სამჯერ მეტმა ადამიანმა ისარგებლა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს

ჰორმუზის სრუტესთან დაკავშირებული მოლაპარაკებების ჩაშლის შემდეგ, აშშ-მ და ირანმა ორმხრივი დაბომბვები განაახლეს

ივნისში საქართველოს ექსპორტი 20%-ით, $771 მილიონ დოლარამდე გაიზარდა, იმპორტის ზრდა კი 7% იყო