იუსტიციის სამინისტროს  ეროვნული არქივის საგამოფენო დარბაზში დღეს გაიხსნა გამოფენა „ქართული დიაფილმი", რომელიც ქართული დიაფილმის შექმნისა და განვითარების ისტორიას ასახავს.

დამთვალიერებელს საშუალება აქვს, იხილოს 60-მდე ქართული დიაფილმის ორიგინალი ნახატი და ელექტრონული ვერსია, შემოქმედებითი ჯგუფისა და დიაფილმების დამზადების პროცესის ამსახველი ფოტოები და კინომასალა, ასევე ტექნიკური საშუალებები, რითაც იქმნებოდა დიაფილმები.

დიაფილმი პოზიტიურ ფირზე გადატანილი ნახატები და ტექსტია, რომლის საჩვენებლად სპეციალური აპარატი გამოიყენება. ქართული დიაფილმების ისტორია 1950-იან წლებში კინოსტუდია „ქართული ფილმის" მულტგაერთიანების სტუდიაში დაიწყო. სხვადასხვა ქართული თუ უცხოური ზღაპრის, თქმულებისა და მოთხრობის დიაფილმის შესაქმნელად არაერთი მხატვარი და სცენარისტი მუშაობდა. დიაფილმები საქართველოში პოპულარობით სარგებლობდა 1950-1980-იან წლებში.

ბოლო ორი წელია, ეროვნული არქივი კინოფოტოფონოდოკუმენტების ცენტრალური არქივი ქართული დიაფილმების მოძიებაზე მუშაობს, შედეგად, შეიქმნა ქართული დიაფილმების კოლექცია, სადაც 130 დასახელების ფილმი შედის. ამასთან, 2016 წელს ეროვნულმა არქივმა კერძო კოლექციონერებისაგან შეიძინა დიაფილმების ორიგინალი ნახატები - 26 დასახელების დიაფილმის 1150 ორიგინალი ნახატი.

გამოფენის ფარგლებში საქართველოს ეროვნული არქივი წარმოადგენს დიაფილმების ორიგინალი ნახატებიდან შექმნილ 2017 წლის კალენდარს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს

ჰორმუზის სრუტესთან დაკავშირებული მოლაპარაკებების ჩაშლის შემდეგ, აშშ-მ და ირანმა ორმხრივი დაბომბვები განაახლეს

ივნისში საქართველოს ექსპორტი 20%-ით, $771 მილიონ დოლარამდე გაიზარდა, იმპორტის ზრდა კი 7% იყო