პარლამენტთან კონსულტაციების შემდეგ გადავწყვეტთ, როდის მივალთ პარლამენტში, - ამის შესახებ საქართველოს პირველმა ვიცე-პრემიერმა და ფინანსთა მინისტრმა დიმიტრი ქუმსიშვილმა ჟურნალისტებს განუცხადა. 

როგორც ქუმსიშვილმა აღნიშნა, ეკონომიკურ გუნდს კონკრეტული საკანონმდებლო ინიციატივები აქვს. 

„გამომდინარე ძალიან დაძაბული დღის წესრიგიდან, რომელიც პირადად მე და ეკონომიკის მინისტრს გვაქვს, ჩვენ მივიღეთ გადაწყვეტილება, რომ სამომავლოდ გადაგვედო პარლამენტში მისვლა. ჩვენ ძალიან მჭიდროდ ვთანამშრომლობთ პარლამენტთან. დღესაც ჩემი მოადგილე იმყოფება პარლამენტში, აქვს კონკრეტული საკანონმდებლო ინიციატივები. პარლამენტთან კონსულტაციებით აუცილებლად მივიღებთ გადაწყვეტილებას, თუ როდის იქნება ყველაზე დროული იქ მისვლა“, -აღნიშნა ქუმსიშვილმა.

ამასთან, ეკონომიკისა და მდგრადი განვითარების მისიტრის გიორგი გახარიას განცხადებით, ის პარლამენტში აუცილებლად მივა და არსებულ კითხვებს უპასუხებს.

ცნობისთვის, „ნაციონალური მოძრაობა“ ითხოვდა ეკონომიკისა და ფინანსთა მინისტრების მისვლას პარლამენტში, რათა ემსჯელათ მიმდინარე ეკონომიკურ საკითხებზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს