თბილისის მერის დავით ნარმანიას განცხადებით, 2017 წელს ადმინისტრაციული ხარჯები მკვეთრად შემცირდება და 22,3 მლნ ლარი იქნება., - ამის შესახებ დავით ნარმანიამ საკრებულოში, ბიუჯეტის დაზუსტებული პროექტის წარდგენისას განაცხადა.

დედაქალაქის მერის თქმით, 2016 წლის თავდაპირველად დამტკიცებულ ბიუჯეტთან შედარებით 13%-ით მცირდება შრომის ანაზღაურება. დავით ნარმანიას განცხადებით,  საუბარია საკმაოდ მოცულობით თანხებზე და ოპონენტების კრიტიკა აღნიშნულ საკითხთან მიმართებაში  სრულიად უსაფუძვლოა.

„ტენდენციურად, 2017 წელს ჩვენ კვლავ ვამცირებთ ადმინისტრაციულ ხარჯებს და ეს იქნება მკვეთრი შემცირება -  22,3 მლნ ლარი. ამასთან, აღსანიშნავია, რომ 2016 წლის თავდაპირველად დამტკიცებულ ბიუჯეტთან მიმართებაში მკვეთრად - 13, 1 მლნ ლარით, ანუ 13%-ით მცირდება შრომის ანაზღაურება და საპრემიო ფონდი, საქონელი და მომსახურება კი 9,2 მლნ ლარით. დამეთანხმებით, რომ საუბარია საკმაოდ მოცულობით თანხებზე. ასე რომ, ოპონენტების ვნებათაღელვა აღნიშნულ საკითხთან მიმართებაში, მინდა გითხრათ, რომ სრულიად უსაფუძვლოა“, - განაცხადა დავით ნარმანიამ.

თბილისის 2017 წლის ბიუჯეტი 801 302,0 ათასი ლარით განისაზღვრა და პირვანდელ ვარიანტთან შედარებით გაზრდილია 1 031,5 ათასი ლარით. 2017 წლის ბიუჯეტის პროექტში, დედაქალაქში არსებული საჭიროებებისა და გამოწვევების გათვალისწინებით, პრიორიტეტებად განისაზღვრა  მუნიციპალური ტრანსპორტის განვითარება, საგზაო ინფრასტრუქტურა, გამწვანება და განათლება, ასევე, ქალაქის ისტორიული ნაწილი რეაბილიტაცია.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის