ვიცე-პრემიერი, ენერგეტიკის მინისტრი კახა კალაძე ვიზალიბერალიზაციასთან დაკავშირებით ე.წ.  შეჩერების მექანიზმის მიღებაზე გუშინ მიღწეულ შეთანხმებას გამოეხმაურა.

კალაძის თქმით, ევროკავშირის მხრიდან ძალიან მნიშვნელოვანი ნაბიჯები გადაიდგა და დარწმუნებულია, რომ საქართველოს მოქალაქეები მალე ევროკავშირის ქვეყნებში უვიზოდ მიმოსვლას შეძლებენ.

ამავდროულად კალაძე ამბობს, რომ ვიზალიბერალიზაციის მიმართულებით მუშაობა მრავალი წლის წინ დაიწყო და ეს პროცესი მხოლოდ „ქართულ ოცნებას“ არ უნდა მიეწეროს.

„ეს არის ჩვენი გუნდის დამსახურება. პრემიერ-მინისტრის დამსახურება. მისი ბოლო ვიზიტი მინდა გამოვყო. მთლიანად ეს პროცესი არ მინდა მიეწეროს „ქართულ ოცნებას“.  ძალიან ბევრი წლის წინ დაიწყო ამ მიმართულებით მოძრაობა, მსველობა.  ბევრი მნიშვნელოვანი რეფორმა გატარდა ჩვენს ქვეყანაში როგორც წინა, ასევე იმის წინა ხელისუფლების დროს. ჩვენ გვაქვს შესაძლებლობა, რომ ეს ყველაფერი დავაგვირგვინოთ. მიუხედავად იმისა, რომ ჩვენი ოპონენტები დარბიან და ყველაფერს აკეთებენ, რათა საქართველოს მოქალაქეებს არ ჰქონდათ შესაძლობელობა ვიზების გარეშე იმოგზაურონ ევროკავშირის ქვეყნებში, ჩვენი მოქალაქეები შეძლებენ უვიზოდ მიმოსვლას“, -განაცხადა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა