დადიანზე საცხოვრებელი სახლის კედელი ჩამოინგრა

2016-12-01 17:42:03, 932 ნახვა

საზოგადოება

კრწანისში, შალვა დადიანის ქ. N16-ში, გვიან ღამით საცხოვრებელი სახლის მზიდი კედელი ჩამოინგრა.

კრწანისის რაიონის გამგეობის ინფორმაციით, შემთხვევის შედეგად არავინ დაშავებულა.

მათივე ცნობით, ადგილზე ოპერატიულად მივიდნენ სამაშველო და კომუნალური სამსახურები.

მთელი ღამის განმავლობაში დადიანზე იმყოფებოდნენ კრწანისის გამგებელი, გიორგი კოპალეიშვილი და გამგეობის თანამშრომლები.

მათი ძალისხმევით, მოხდა ავარიული შენობიდან 8 ოჯახის ევაკუაცია და სასტუმროში დაბინავება. რამდენიმე ოჯახმა, მიუხედავად მოთხოვნისა, სახლის დატოვებაზე უარი განაცხადა. გამაგრებითი სამუშაოების დასრულებამდე გამგეობა გაყვანილ ოჯახებს ქირით უზრუნველყოფს.

სახლის ავარიული სიტუაციის შესწავლას და წინმსწრებ-დამზღვევი ღონისძიებების დაგეგმვას სპეციალისტები დილიდანვე შეუდგნენ.

გიორგი კოპალეიშვილი დაზარალებულ მოსახლეობას დღეს კიდევ ერთხელ შეხვდა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან