სამწუხაროდ, მისი [ხიდაშელის] მხრიდან ეს ეთიკა ბევრჯერ დაირღვა, მე ბევრჯერ შეიძლება გული მეტკინოს ამაზე, მაგრამ არაუშავს, - ამის შესახებ გიორგი კვირიკაშვილმა საპარლამენტო უმცირესობასთან შეხვედრისას განაცხადა, როდესაც შეიარაღებულ ძალებში თინა ხიდაშელის მიერ გაწვევის გაუქმებასთან დაკავშირებით „ნაციონალური მოძრაობის“ წევრ თენგიზ გუნავას კითხვას უპასუხა.

პრემიერ-მინისტრის მოვალეობის შემსრულებლის, გიორგი კვირიკაშვილის განცხადებით, ის დიდი ხნის განმავლობაში იკავებდა თავს თავდაცვის ყოფილი მინისტრის, თინა ხიდაშელის კრიტიკისგან, თუმცა მისი მხრიდან ეთიკა ბევრჯერ დაირღვა.

„თინა ხიდაშელმა განცხადება გამოაცხადა პირდაპირ ეთერში, სამწუხაროდ. მე ამდენი ხანი საჯარო სირცეში კრიტიკისგან თავს ვიკავებდი, გამომდინარე იქიდან, რომ ჩვენ ერთი კაბინეტის წევრები ვიყავით. სამწუხაროდ, მისი მხრიდან ეს ეთიკა ბევრჯერ დაირღვა. მე ბევრჯერ შეიძლება გული მეტკინოს ამაზე, მაგრამ არაუშავს. პოლიტიკაში გულისტკენები არ არის მნიშვნელოვანი. კიდევ ერთხელ ვამბობ, რომ ის გადაწყვეტილება, რა თქმა უნდა, იყო შესაბამისობაში იმ გრძელვადიან სტრატეგიასთან, რომელიც ჩვენ ერთად გვაქვს დამტკიცებული, მაგრამ იყო მოუმზადებელი იმ დროსა და სივრცეში, როცა მიიღეს“, – განაცხადა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა

გეგელია - იმ ფონზე, როცა უკრაინა და მოლდოვა წინ მიდიან, საქართველო არის სრულ ჩიხში და იზოლაციაში

ჩინეთმა რუსეთთან ახალი გაზსადენი „სიბირის ძალა 2“-ის შესახებ მოლაპარაკებები შეაჩერა