ანა დოლიძემ დეპუტატებს სამხედრო ძალების რაოდენობის დამტკიცების შესახებ უშიშროების საბჭოს წარდგინება გააცნო

2016-11-24 15:40:20, 632 ნახვა

საზოგადოება

საქართველოს პრეზიდენტის საპარლამენტო მდივანმა ანა დოლიძემ პარლამენტის თავდაცვისა და უშიშროების კომიტეტს დღეს საქართველოს ეროვნული უშიშროების საბჭოს წარდგინება გააცნო, რომელიც „2017 წლისათვის საქართველოს სამხედრო ძალების რაოდენობის დამტკიცებას" შეეხება.

პარლამენტის თავდაცვისა და უშიშროების კომიტეტმა მხარი დაუჭირა საქართველოს უშიშროების საბჭოს გადაწყვეტილებას, რომ 2017 წელს სამხედრო ძალების რაოდენობა განისაზღვროს არაუმეტეს 37 000 ადამიანისა.

„მომვალ წელს სამხედრო ძალების რაოდენობა იგივე რჩება, რაც წელს იყო. შესაბამისად, მოხარულები ვართ, რომ ეს გადაწყვეტილება კომიტეტმა მიიღო", - განაცხადა ანა დოლიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან