„მე და ჩემმა კოლეგებმა სამართლიანობისთვის ვიბრძოლეთ და ეს ბრძოლა წარმატებით დამთავრდა“, – ამის შესახებ უზენაესი სასამართლოს თავჯდომარემ ნინო გვენეტაძემ ჟურნალისტებს პარლამენტში განუცხადა. 

მან სამომავლო გეგმებზე ისაუბრა და აღნიშნა, რომ მისი მთავარი ამოცანაა, სასამართლოს დამოუკიდებლობისა და მიუკერძოებლობისათვის ბრძოლა. 

„პირველი ნაბიჯები ეს არის სასამართლო რეფორმის გაგრძელება, სასამართლოს დამოუკიდებლობისა და მიუკერძოებლობისთვის ბრძოლა, ადამიანის უფლებების პრიორიტეტზე დამყარებული სამართალწარმოება, რაც მოითხოვს, როგორც ჩემი, ასევე სამოსამართლეო კორპუსის დიდ ძალისხმევას, საბოლოოდ რაც უნდა მოემსახუროს ადამიანების ნდობის დაბრუნებას სასამართლო ხელისუფლებისადმი. მე და ჩემმა კოლეგებმა სამართლიანობისთვის  ვიბრძოლეთ და დღეს ნამდვილად ისტორიული დღეა ჩემთვის. ჩვენი ბრძოლა წარმატებით დამთავრდა და ეს არის უდიდესი პასუხისმგებლობა, რომელიც მე ჩემი საზოგაოდების წინაშე დამეკისრა“, – აღნიშნა გვენეტაძემ. 

ცნობისთვის, პარლამენტმა უზენაესი სასამართლოს თავჯდომარედ ნინო გვენეტაძის დანიშვნას მხარი ერთხმად დაუჭირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს