რუმინეთის საგარეო საქმეთა სამინისტრო ე.წ. „ხელშეკრულებას რუსეთის ფედერაციასა და ცხინვალის სოკუპაციო რეჟიმს შორის მოკავშირეობისა და ინტეგრაციის შესახებ” არ აღიარებს.

ამასთან, რუმინეთის საგარეო საქმეთა სამინისტრო არ აღიარებს იმ სამართლებრივ ჩარჩოს, რომლის საფუძველზეც ხელი მოეწერა ამ ე.წ.  „ხელშეკრულებას“ და ხაზს უსვამს, რომ იმ ვითარებაში, როდესაც აფხაზეთისა და ცხინვალის/სამხრეთ ოსეთის სეპარატისტული რეგიონები  საქართველოს შემადგენელი ნაწილებია, არც ერთი ხელშეკრულება რუსეთის ფედერაციასა და რომელიმე სეპარატისტული რეგიონის დე ფაქტო ხელისუფლებას შორის არ შეიძლება კანონიერად აღიარებული იქნეს.

 „რუმინეთის საგარეო საქმეთა სამინისტრო მიიჩნევს, რომ ამ ე.წ. „ხელშეკრულების“ ხელმოწერა დამატებით რისკებს უქმნის რეგიონის უსაფრთხოებას და იწვევს დესტაბილიზაციას. რუმინეთის საგარეო საქმეთა სამინისტრო კიდევ ერთხელ ადასტურებს თავის მტკიცე მხარდაჭერას საქართველოში არსებული გაჭინაურებული კონფლიქტების მშვიდობიანი გზით მოგვარებისადმი, სუვერენიტეტისა და ტერიტორიული მთლიანობის პრინციპზე დაყრდნობით, საქართველოს საერთაშორისოდ აღიარებული საზღვრების ფარგლებში“, - ნათქვამია რუმინეთის საგარეო უწყების განცხადებაში.

შეგახსენებთ, რუსეთის ფედერაციასა და ცხინვალის სოკუპაციო რეჟიმს შორის „მოკავშირეობისა და ინტეგრაციის შესახებ” ე.წ. ხელშეკრულებას 18 მარტს ქ. მოსკოვში მოეწერა ხელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს