30 ოქტომბერს, ახალციხეში მერის,  ზუგდიდში, ხარაგაულსა და ბოლნისში გამგებლის რიგგარეშე არჩევნების მეორე ტურები გაიმართა, ხოლო ლაგოდეხსა და სენაკში- საკრებულოს შუალედური არჩევნები. ცესკო-ს მიერ გამოქვეყნებული წინასწარი მონაცემების მიხედვით, „ქართული ოცნების“ კანდიდატები ლიდერობენ.

კერძოდ, ახალციხეში თვითთმართველი ქალაქის მერის არჩევნებში  ყველა უბნის მონაცმეებით, „ნაციონალური მოძრაობის“ კანდიდატმა ირაკლი ერეკლიშვილმა  ხმების 36.78% მიიღო, ხოლო „ქართული ოცნების“ კანდიდატმა ვლადიმერ ზედგინიძემ- 63.22%

ზუგდიდში,  67-ე საარჩევნო ოლქის 21 უბნის   წინასწარი შედეგებით,  „ ოცნების“ კანდიდატი ლაშა გოგია ლიდერობს. მან ხმების 72,61% მიიღო, ხოლო „ნაციონალური მოძრაობის“ კანდიდატმა ბესიკ გაბუნიამ-27,39% დააგროვა. დასათვლელია 44 უბნის მონაცემები.

ხარაგაულის 48-ე საარჩევნო ოლქის ყველა უბნის წინასწარი მონაცემების  მიხედვით,  „ ნაციონალური მოძრაობის“ კანდიდატმა თამაზ ლომიძემ ხმების 23,8% აიღო,  „ქართული ოცნების“ მიერ წარდგენილმა კანდიდატმა ნიკოლოზ თოფურიძემ -76,2%.

ბოლნისში, ყველა-62 უბნის   მიხდვით, წინასწარი შედეგებით, თვითმმართველი თემის გამგებლის არჩევნებში „ნაციონალური მოძრაობის“ კანდიდატმა ტრისტან ბერიძემ ხმების  4.74% მოაგროვა, ხოლო „ქართული ოცნების“ კანდიდატმა დავით შერაზადიშვილმა-95.26%

რაც შეეხება საკრებულოს შუალედურ არჩევნებს, ლაგოდეხის მაჟორიტარული ოლქის მიხედვით, „ქართული ოცნების“ კანდიდატმა  ვაჟა კობერიძემ 54.8%,  „ნაციონალური მოძრაობის“ კანდიდატმა გიორგი მოსეშვილმა კი-28.53% მიიღო. პაატა ბურჭულაძე სახელმწიფო ხალხისთვის“ კანდიდატმა ჯემალ მაჭარაშვილმა 16.67% აიღო.

სენაკის მაჟორიტარული ოლქის ყველა-2  უბნის  მონაცემების მიხედვით-„ქართული ოცნების“ კანდიდატი ზაზა ლაშქარავა-65.71%-ით ლიდერობს, „ნაციონალური მოძრაობის“ კანდიდატმა ვასო ჯანაშიამ კი ხმების 34.29% დააგროვა.

არჩევნების მეორე ტური საერთო ჯამში 2 229 საარჩევნო უბანზე ჩატარდა.

http://cesko.ge/res/docs/results-sak.pdf

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times