„არანაირი დამადასტურებელი ფაქტი, რომ მარნეულის 86-ე საარჩევნო უბანზე 400 ბიულეტენის გამოყენება მოხდა, არ არსებობს“,-ამის შესახებ ცენტრალური საარჩევნო კომისიის თავმჯდომარემ თამარ ჟვანიამ დღევანდელ ბრიფინგზე განაცხადა.

ჟვანიას თქმით,  აღნიშნულ საკითხთან დაკავშირებით, თუ იარსებებს რაიმე სამართლებრივი პროცესი, საჩივარი და შესაბამისი მოთხოვნა,  კანონის შესაბამისი პროცედურა განხორციელდება.

„ საოლქო-საარჩევნო კომისიის ხელმძღვანელმა გუშინვე გააკეთა კომენტარი   და თქვა, რომ მსგავსი ფაქტი არ მომხდარა.არჩევნებში მონაწილეთა რაოდენობა იყო უფრო ნაკლები, ვიდრე ვრცელდებოდა ჩაყრის შესახებ ინფორმაცია“,-განაცხადა ჟვანიამ.

ცნობისთვის, „ერთიანი ნაციონალური მოძრაობა“ ვიდეომასალას ავრცელებს, სადაც, სავარაუდოდ „ქართული ოცნების“ აქტივისტი ზაზა ბაირამოვი საუბრობს, თუ როგორ ჩაყარა საარჩევნო ყუთში 400 ბიულეტენი.

პარტიის ინფორმაციით, კადრები მარნეულის 86-ე საარჩევნო უბანზეა გადაღებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times