საქართველოს საგარეო საქმეთა სამინისტრო ტუნისის რესპუბლიკის დედაქალაქ ტუნისში განხორციელებულ ტერორისტულ აქტთან დაკავშირებით განცხადებას ავრცელებს.

როგორც უწყების განცხადებაშია აღნიშნული, ტუნისში მდებარე „ბარდო“-ს ეროვნულ  მუზეუმში განხორციელებულ ტერორისტულ აქტს საქართველო მკაცრად გმობს.

„საქართველო მკაცრად გმობს 2015 წლის 18 მარტს ტუნისის რესპუბლიკის დედაქალაქ ტუნისში მდებარე „ბარდო“-ს ეროვნულ  მუზეუმში განხორციელებულ ტერორისტულ აქტს, რომელსაც სულ მცირე 20 უდანაშაულო ადამიანის სიცოცხლე ემსხვერპლა, ხოლო ათობით დაშავდა.

საქართველოს საგარეო საქმეთა სამინისტრო უსამძიმრებს დაღუპულთა ოჯახებსა და იმ სახელმწიფოთა მთავრობებს, რომელთა მოქალაქეების სიცოცხლეც შეეწირა აღნიშნულ თავდასხმას.

საქართველო გმობს ტერორიზმის ნებისმიერ გამოვლინებას და გამოვთქვამთ იმედს, რომ აღნიშნულ შემზარავ აქტში დამნაშავეები წარსდგებიან მართლმსაჯულების წინაშე. საქართველო მხარს უჭერს ტუნისის რესპუბლიკის მთავრობის მისწრაფებას დემოკრატიული ფასეულობებისადმი და სჯერა, რომ ტუნისელი ხალხი შესძლებს ყველა დაბრკოლების დაძლევას დემოკრატიული და წარმატებული სახელმწიფოს მშენებლობის გზაზე“, - ნათქვამია საგარეო საქმეთა სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს