ჩინეთის სახალხო რესპუბლიკის ჰებეის პროვინციაში, სოფლის მეურნეობის სამეცნიერო-კვლევითი ცენტრის ბიოაგროწარმოების სამსახურის წარმომადგენლებმა ჩინელი ფერმერებისთვის ორგანული სოფლის მეურნეობის მიმართულებით ერთკვირიანი სემინარი ჩაატარეს.

სოფლის მეურნეობის სამინისტორ ინფორმაციით, აღნიშნული სემინარი ჩინეთის ჰებეის პროვინციის მრეწველობისა და სოფლის მეურნეობის ასოციაციასა და სოფლის მეურნეობის სამეცნიერო-კვლევითი ცენტრს შორის გაფორმებული მემორანდუმის ფარგლებში გაიმართა. 

მათივე ინფორმაციით, მემორანდუმი ორ ქვეყანას შორის მევენახეობა-მეღვინეობის, ორგანული სოფლის მეურნეობის, ახალი ტექნოლოგიებისა და სასოფლო-სამეურნეო პროდუქციის გადამუშავების სფეროში გამოცდილების გაზიარებას ითვალისწინებს.

სემინარის ფარგლებში მონაწილეები ბიოლოგიური სოფლის მეურნეობის მიმართულებით ორგანული წარმოების პრინციპებს, ბიომეურნეობების დაგეგმვისა და მცენარეთა ინტეგრირებული დაცვის საკითხებს გაეცნენ. ფერმერებმა პეკინის, ჰებეის, ანპინისა და ტინაცზინის მეურნეობებში ბიოლოგიური ღონისძიებების პრაქტიკული სწავლებაც გაიარეს. 

 ჰებეის მერის ზუჰუან ვანგის განცხადებით, საქართველოსა და ჩინეთს შორის აგრარული მიმართულებით თანამშრომლობის ფორმატში, ჩინეთში, მევენახეობა-მეღვინეობისა და მეხილეობის განვითარების ხელშეწყობის მიზნით, ქართული ენდემური ყურძნისა და ხეხილის ჯიშების ინტროდუქცია განხორციელდება, მოეწყობა ვაზისა და ხეხილის სადემონსტრაციო ბაღები. 

ვიზიტის დასასრულს, სოფლის მეურნეობის სამინისტროს სამეცნიერო-კვლევითი ცენტრის დელეგაციამ  დინჩჟოუს მევენახეობა-მეღვინეობის მეურნეობაში გამართულ ღვინის გამოფენა-დეგუსტაციაში მიიღო მონაწილეობა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები