პრემიერ-მინისტრი ირაკლი ღარიბაშვილი ზუგდიდში, აქციების დარბევისა და წამების ამსახველი ვიდეომასალების შემცველი ფილმის ჩვენებას, რომლებსაც ბავშვები ესწრებოდნენ, "ნაციონალური მოძრაობის" პროვოკაციას უწოდებს. ამის შესახებ  მან მთავრობის სხდომაზე განაცხადა.

„ეს იყო პროვოკაცია, რომელიც დაიგეგმა "ნაციონალური მოძრაობის" მხრიდან. მოგეხსენებათ, რომ ქალაქ ფოთში ორგანიზება გაუკეთეს "თავისუფალი ზონის"მხარდამჭერებს, ბავშვებს, ახალგაზრდებს, სკოლის მოსწავლეებს. მოხდა მათი გამიზნულად მიყვანა და ამ ფილმის ჩვენება. ეს ადამიანები, რომლებიც დღეს ამბობენ, როგორ გაბედეს როგორ აჩვენეს ეს ფილმი ბავშვებსო, აქცენტი გადაიტანეს იმაზე, რომ იქ სკოლის მოსწავლეები იყვნენ და არა იმაზე, რომ ეს ძალადობა სწორედ მათ მიერ არის განხორციელებული. მთავარი ყურადღება გადაიტანეს იმაზე, რომ იქ შეიპარა "თავისუფალი ზონის" წარმომადგენელი რამდენიმე ბავშვი. თვითონ ბავშვებს როგორ ექცეოდნენ ციხეებში, ბავშვებს როგორ აწამებდნენ, აუპატიურებდნენ, ეს არასწორია და საზოგადოების შეცდომაში შეყვანის მცდელობაა“,-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს