აჭარის მთავრობის თავმჯდომარე ზურაბ პატარაძე ქედისა და შუახევის მუნიციპალიტეტების პედაგოგებს შეხვდა.

შეხვედრას  ასევე  ესწრებოდა აჭარის განათლების, კულტურისა და სპორტის მინისტრის მოადგილე სულიკო თებიძე და "ქართული ოცნების" მაჟორიტარი კანდიდატი აჭარის უმაღლეს საბჭოში ხვიჩა შარაშიძე. შეხვედრაზე მთავრობის თავმჯდომარე მეუღლესთან ერთად მივიდა.

ზურაბ პატარაძემ პედაგოგებთან რეგიონში დაგეგმილი იმ ღონისძიებების შესახებ ისაუბრა, რომელთა განხორციელება მნიშვნელოვანწილად გააუმჯობესებს აჭარის თითოეული მკვიდრის სოციალურ-ეკონომიკურ მდგომარეობას. ზურაბ პატარაძემ იმ წინსვლის შესახებაც ისაუბრა, რომელიც მმართველი გუნდის პირობებში პედაგოგებისათვის განხორციელდა. სწორედ მოქმედმა მთავრობამ შემოიღო სახელმძღვანელოებით მოსწავლეთა უფასოდ უზრუნველყოფა, აღადგინა სოფლად ტრანსპორტირება, სადაც ბავშვებსა და მასწავლებლებს რამდენიმე კილომეტრის ფეხით გავლა უწევდათ. ზურაბ პატარაძის თქმით, ეს პროექტი განსაკუთრებით მნიშვნელოვანი იყო აჭარის მუნიციპალიტეტებისათვის, რადგან მსგავს შემთხვევებს ხშირად ჰქონდა ადგილი მაღალმთიან ხეობებში. ტრანსპორტირების უზრუნველყოფამ შედეგად მოიტანა მოსწავლეთა დასწრების 95%-მდე გაზრდა. 

მთავრობის თავმჯდომარემ პედაგოგებთან საუბრისას ყურადღება გაამხავილა ასევე იმ ინფრასტრუქტურულ პროექტებზე, რომლებსაც რეგიონის მთავრობა საგანმანათლებლო სფეროში ახორციელებდა. ბოლო ოთხი წლის მანძილზე აჭარაში სრული ან ნაწილობრივი რებილიტაცია ჩაუტარდა 60-ზე მეტ სკოლას, აშენდა 12 ახალი სკოლა. ზურაბ პატარაძემ აღნიშნა, რომ ამ მიმართულებით მუშაობა გაგრძელდება და მომავალ წლებშიც ინფრასტრუქტურის გაუმჯობესების მიზნით არაერთი პროექტიგანხორციელდება.

მმართველი გუნდის პირობებში გაიზარდა და მომავალშიც გაიზრდება პედაგოგების ხელფასები. მაღალმთიან აჭარაში პედაგოგები უკვე სარგებლობენ მთის კანონის შეღავათებით, რაც ხელფასზე 35%-იან დანამატს გულისხმობს.

შეხვედრის ფარგლებში ზურაბ პატარაძემ დამსწრე საზოგადოებას პარტია "ქართული ოცნება-დემოკრატიული საქართველოს" მაჟორიტარი დეპუტატობის კანდიდატი აჭარის უმაღლეს საბჭოში ხვიჩა შარაშიძე წარუდგინა. ზურაბ პატარაძემ და მეუღლე სოფიო ბაკურიძემ პედაგოგებთან სამახსოვრო ფოტოები გადაიღეს.  პედაგოგებთან შეხვედრამ თბილ გარემოში ჩაიარა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის