მთავრობის ადმინისტრაციაში ადასტურებენ, რომ ავეჯის შესყიდვა იგეგმება, თუმცა უარყოფენ ინფორმაციას იმის შესახებ, რომ ის პრემიერ–მინისტრისთვის არის შეძენილი. 

როგორც ადმინისტრაციის უფროსმა მაია ცქიტიშვილმა გამართულ ბრიფინგზე განაცხადა, მთავრობის ადმინისტრაციის მიერ ავეჯის შესყიდვის მიზნით დეკემბრის თვეში 2 ხელშეკრულება გაფორმდა.

„შუა დეკემბერსა და დეკემბრის ბოლოს 2 ხელშეკრულება გაფორმდა, რომელიც ავეჯის შესყიდვას შეეხებოდა. ავეჯი არ არის შეძენილი პრემიერ-მინისტრ ირაკლი ღარიბაშვილისთვის. ეს ავეჯი არის შეძენილი იმ სივრცისთვის, რომელიც დღეისთვის არ გვქონდა მთავრობის ადმინისტრაციაში. ჩვენ არ გვქონდა შესაბამისი სივრცე, რომელიც  საჭირო იყო მაღალი რანგის სტუმრების მისაღებად.მოგეხსენებათ, რომ პროტოკოლით არის გათვალისწინებული მთელი რიგი ფართები. იცით, რომ სხვადასხვა ფორმატია, რომელიც პირველ პირებს შორის პირისპირ შეხვედრებს ითვალისწინებს, ასევე მაღალი რანგის შეხევდრებს დელეგაციებს შორის და ა.შ. ადმინისტრაციის მიმდინარე რემონტის ფარგლებში ბუნებრივია, ვაწყობთ ასეთ სივრცეებს. ამ სივრცეებსაც შესაბამისად სჭირდება შესაბამისი აღჭურვილობა“, – აღნიშნა ცქიტიშვილმა. 

მან აქვე განაცხადა, რომ „ნაციონალური მოძრაობის“ წევრის ირმა ნადირაშვილის მიერ გავრცელებული ინფორმაცია ავეჯის ღირებულებასთან დაკავშირებით, არასწორია. 

„ ირმა ნადირაშვილს  გავრცელებულ ინფორმაციაში  არასწორი ციფრები ჰქონდა მითითებული. იქ, სადაც მაგალითად უწერია, რომ ერთი სკამი ღირს 15 000, სინამდვილეში 84 სკამია, ის ციფრი სადაც წერია, რომ  ნივთი 24 000 ღირდა, სინამდვილეში ღირდა 950 ევრო, ანუ, 2000 ლარი“, – განაცხადა ცქიტიშვილმა და აქვე აღნიშნა, რომ ნადირაშვილის მიერ გავრცელებული ინფორმაცია ადმინისტრაციის მიერ არ იყო გაცემული. 

„ეს ინფორმაცია არ იყო გაცემული ჩვენს მიერ, არ იყო საჯარო ინფორმაციის სახით გამოთხოვილი და ალბათ ეს არის მიზეზი,  რატომაც არ შეესაბამება სინამდვილეს სრულად“, – აღნიშნა მაია ცქიტიშვილმა.

ცნობისთვის, ირმა ნადირაშვილი  „ფეისბუქის“ საკუთარ გვერდზე წერს,  რომ  მთავრობის ადმინისტრაციამ პრემიერ-მინისტრ ირაკლი ღარიბაშვილის სართულისთვის 181 401 ლარის ღირებულების ავეჯი შეუკვეთა.

მან შესაბამისი ფოტოებიც გამოაქვეყნა. 

ნადირაშვილის ინფორმაციით, შეკვეთილ ავეჯს შორის ბატუტიცაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს