„სამხედრო სფეროში საფრანგეთთან თანამშრომლობა ძალიან მნიშვნელოვანია“, - ამის შესახებ საქართველოს საგარეო საქმეთა მინისტრმა მიხეილ ჯანელიძემ ბათუმის პორტში საფრანგეთის ეროვნული სამხედრო ფლოტის სამხედრო ხომალდ "პრემიე მეტრ ლ'ერის“ შემოსვლასთნ დაკავშირებით განაცხადა.

საგარეო უწყების ინფორმაციით, ფრანგული სამხედრო გემის ვიზიტი საქართველოს ტერიტორიულ წყლენში ფრანგულ ქართული თანამშროლობის ფარგლებში განხორციელდა და ნატოს წევრი ქვეყნების მიერ საქართველოსა და რეგიონისადმი ინტერესსა და მხარდაჭერას ისახავს მიზნად. 

გემის ბათუმში ვიზიტთან დაკავშირებულ მიღებას საგარეო საქმეთა და თავდაცვის მინისტრები დაესწრნენ. საგარეო უწყების ხელმძღვანელის განცხადებით ეს ღონისძიება კიდევ ერთელ უსვამს ხაზს საქართველოსა და საფრანგეთს შორის ორმხივი თანამშომლობის ფართო სპექტრს. 

„სამხედრო სფეროში ჩვენი თანამშრომლობა ძალიან მნიშვნელოვანია პირველ რიგში იმიტომ, რომ საქართველოს ნატოში ინტეგრაციის გზაზე ბევრად წარმატებული ნაბიჯები იდგმება საფრანგეთის მთავრობის ხელშეწყობით“ - განაცხადა მიხეილ ჯანელიძემ. 

ჟურნალისტებთან საუბრისას საგარეო საქმეთა მინისტრმა ხაზი გაუსვა ვიზიტის მნიშვნელობას, რომელიც მიმართულია შავი ზღვის უსაფრთხოებისკენ. 

„საფრანგეთი არის საქართველოს მხარდამჭერი ევროპული და ევროატლანტიკური ინტეგრაციის გზაზე და მათი მხარდაჭერა ძალიან მნიშვნელოვანია ნატო-საქართველოს არსებითი პაკეტის იმპლემენტაციის კუთხით, როგორც საზღვაო უსაფრთხოების ასევე საჰაერო უსაფთხოების ნაწილში“, - განაცხადა მიხეილ ჯანელიძემ. 

აღსანიშნავია, რომ ფრანგული სამხედრო ხომალდის საქართველოში შემოსვლის შესახებ სექტემბერში, საქართველოში ვიზიტით მყოფმა საგრანგეთის თავდაცვის მინისტრმა ჟან-ივ ლე დრიანმა ქართველ კოლეგასთან შეხვედრის შემდეგ განაცხადა. 

ღონისძიების ფარგლებში საფრანგეთის ელჩმა პასკალ მენიემ ქართულ მხარეს სამთო აღჭურვილობა გადასცა, რომელიც საჩხერის სამთო მომზადების სკოლას გადაეცემა.

ფრანგული სამხედრო ხომალდს, რომელიც 1981 წელს შევიდა ექსპუატაციაში, მრავალმხრივი ფუნქცია აქვს და ისეთ ოპერაციებშია ჩართული როგორიცაა სტრატეგიული დანუშნულების  წყალქვეშა ძალების მხარდაჭერა, საზღვაო მონაკვეთების მონიტორინგი, ზღვისიქითა ტერიტორიების საზღვაო მონჯტორინგი, სამაშველო ოპერაციები და საზღვაო პოლიცია. 

ფრანგული სამხედრო ხომალდი ბათუმის პორტს 20 ოქტომბერს დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის