თბილისის მერმა დავით ნარმანიამ მოქალაქეებს „თბილისობა“ მიულოცა.

როგორც ნარმანიამ ლეღვთახევში ჟურნალისტებს განუცხადა, თბილისის ყველა უბანი მრავალი საინტერესო ღონისძიებით არის დატვირთული.

მისი თქმით, ძირითადი ღონისძიებები ძველ თბილისში იმართება.

„განსაკუთრებით გამორჩეულია რამდენიმე ლოკაცია, სადაც "თბილისობის" ძირითადი ღონისძიებები იმართება. ეს არის გარდა ტრადიციული ევროპის მოედნისა და რიყის ტერიტორიისა, ლეღვთახევი, რომელი მე=19 საუკუნის თბილისს აცოცხლებს. გარდა ამისა, ახალი „ტფილისის“ ტერიტორიაზე, აღმაშენებლის განახლებულ გამზირზე იმართება სხვადასხვა საინტერესო ღონისძიებები და უფრო თანამედროვე მიმდინარეობებია წარმოდგენილი. რიყის ტერიტორიაზე ტრადიციულად ბავშვებისთვის სხვადასხვა სპორტული და გასართობი ღონისძიებები იმართება. აქვე იმართება კულინარიული ფესტივალი და ძალიან საინტერესო შეჯიბრებს შემოგვთავაზებენ. ამასთან, რიყის ტერიტორიაზე გაიმართება ყვავილების ფესტივალიც“, - განაცხადა დავით ნარმანიამ.

მერის თქმით, საღამოს საპატიო თბილისელების დაჯილდოების ცერემონია გაიმართება, ხოლო ხვალ, თბილისზე მზრუნველები დაჯილდოვდებიან.

„ხვალ დაჯილდოვდებიან თბილისის საპატიო მოქალაქეები, რომლებიც 30-40 და უფრო მეტი წლის განმავლობაში ემსახურებიან ჩვენს ქალაქს და დღესაც აქტიურად მუშაობენ ამაზე. ხვალ საღამოს თბილისობის დღესასწაულს გალაკონცერტით დავასრულებთ“, - განაცხადა თბილისის მერმა.

ცნობისთვის, „თბილისობა 2016“ ლეღვთახევში მივიწყებული, მე-19 საუკუნის თბილისის პროფესიების იმიტირებული მიზანსცენებით დღეს გაიხსნა. ადგილზე წარმოდგენილია დიდგვაროვნებისა და ყარაჩოღელების კუთხე. „გაცოცხლდა“ მჭედლის, მეწაღის, მეთულუხჩის, მეაფიშის პროფესიები. დღესასწაულის სტუმრებს ანალოგიური სანახაობები 16 ოქტომბერსაც ელის.

თბილისობის ღონისძიებები ლეღვთახევში 19:00 საათამდე გაგრძელდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება