შრომის, ჯანმრთელობისა და სოციალური დაცვის მინისტრმა, დავით სერგეენკომ, დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა, ამირან გამყრელიძემ და საქართველოს ელჩმა ნიდერლანდების სამეფოში კონსტანტინე სურგულაძემ ქიმიური იარაღის აკრძალვის ორგანიზაციის (OPCW)  გენერალურ დირექტორთან, აჰმედ უზუმჩუსთან ოფიციალური შეხვედრა გამართეს.

ჯანდაცვის სამინისტროს ინფორმაციით, მათ საზოგადოებრივი ჯანმრთელობის ეროვნული ცენტრის შესახებ ისაუბრეს და სამომავლო თანამშრომლობის საკითხები განიხილეს.  

დავით სერგეენკო და ამირან გამყრელიძე როტერდამში „გლობალური ჯანმრთელობის უსაფრთხოების მინისტერიალს 2016“-ს ესწრებიან.  ჯანდაცვის მინისტრი მესამე ყოველწლიურ მინისტერიალზე სიტყვით წარსდგა და  ყურადღება გლობალურ საფრთხეებთან ერთობლივი ბრძოლის მნიშვნელობაზე გაამხვილა. „გლობალური ჯანმრთელობის უსაფრთხოების კონცეფცია ეფუძნება იდეას, რომ გლობალურ საფრთხეებთან ბრძოლა არა ცალკეული ქვეყნის მხრიდან, არამედ ერთობლივად ხორციელდება“, - აღნიშნა დავით სერგეენკომ.  

„გლობალური ჯანმრთელობის უსაფრთხოების მინისტერიალი - 2016“-ს 50-მდე ქვეყნის საერთაშორისო ორგანიზაციისა და არასამთავრობო სექტორის წარმომადგენელი ესწრება.

ღონისძიების ფარგლებში, ინფექციების პრევენციის, გამოვლენისა და რეაგირების მიმართულებით, მრავალმხრივი და მრავალსექტორული მიდგომები განიხილება.

ყოველწლიური მინისტერიალი უკვე მესამედ იმართება და გლობალური ჯანმრთელობის უსაფრთხოების ამაღლებას ემსახურება. ის 12 ოქტომბერს გაიხსნა და ხვალ - 14 ოქტომბერს დაიხურება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა