ვახტანგ გომელაური: არასრულწლოვანი მძიმე შინაარსის დოკუმენტური ფილმების ჩვენებაზე არ უნდა მოხვდეს

2015-03-17 15:31:21, 503 ნახვა

პოლიტიკა

შინაგან საქმეთა მინისტრ ვახტანგ გომელაურისთვის მძიმე შინაარსიანი ფილმის ჩვენებაზე მოზარდების დასწრება მიუღებელია.
როგორც გომელაურმა თემის კომენტირებისას ჟურნალისტებს განუცხადა, ფაქტთან დაკავშირებით გამოძიება მიმდინარეობს, რომელიც კითხვებზე პასუხს გასცემს.
"რაც შეეხება ფილმის ჩვენებას, რა თქმა უნდა ჩემთვის მიუღებელია, ვერანაირად ვერ მივიღებ მე და ვგომბ რა თქმა უნდა ამ ყველაფერს. არასრულწლოვანი ბავშვი არ უნდა მოხვდეს ასეთი დოკუმენტური ფილმების ჩვენებაზე და უნდა გაეკონტროლებინათ ესე, ვფიქრობ იმ ორგანიზატორებს, რომ ბავშვი არ მოხვედრილიყო, არასრულწლოვანი დარბაზში.
გამოძიება მიდის, შეიძლებოდა თუ არ შეიძლებოდა იქ საჯარო მოხელეები. თუ არ იყვნენ, ვთქვათ, პირობითად, შეიძლება სულ არ იყვნენ მონაწილეები და სადმე თუ პირდაპირ ჩხუბში იყვნენ ჩართული, ამას გამოძიება დაადგენს",-განაცხადა ვახტანგ გომელაურმა.
ცნობისთვის, საქართველოს განათლებისა და მეცნიერების სამინისტრომ სამეგრელოში არასამთავრობო ორგანიზაციის „ყველა თაობა საქართველოსთვის” მოწყობილ ფილმის ჩვენებაზე სკოლის მოსწავლეთა დასწრების ფაქტთან დაკავშირებით, ზუგდიდის, ხობის და ფოთის რესურსცენტრების და სკოლების ინსპქეტირება დაიწყო.