საქართველოს პრეზიდენტის გიორგი მარგველაშვილის შეფასებით, საპარლამენტო არჩევნების შედეგი, რომ პარლამენტში მხოლოდ სამი პარტია იქნება წარმოდგენილი, დღეს არსებული საარჩევნო სისტემითაა განპირობებული.

ამის შესახებ დღევანდელ ბრიფინგზე პრეზიდენტის პრესსპიკერმა ეკა მიშველაძემ განაცხადა.

მიშველაძის თქმით, პრეზიდენტმა საარჩევნო სისტემის შეცვლაზე ძალისხმევა არ დაიშურა, თუმცა მისი მცდელობის მიუხედავად, საარჩევნო სისტემა არ და ვერ შეიცვალა.

„პრეზიდენტმა არჩევნების წინა დღეს იმედი გამოთქვა, რომ ქვეყანას ეყოლებოდა მრავალპარტიული პარლამენტი. სამწუხაროდ, პარლამენტში არაა წარმოდგენილი პოლიტიკური პარტიების ფართო სპექტრი. ეს შედეგეი განპირობებულია იმ საარჩევნო სისტემით, რომელიც გვაქვს დღეს, რომლის შეცვლაზე ძალისხმევა არ დაუკლია პრეზიდენტს, მაგრამ მისი მცდელობის მიუხედავად საარჩევნო სისტემა არ და ვერ შეიცვალა“, - განაცხადა ეკა მიშველაძემ.

მისივე თქმით, დღევანდელ მოცემულობაში პარტიების დაშლა პრეზიდენტს ძალიან სამწუხარო ფაქტად მიაჩნია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის