"ნატო-საქართველოს ერთობლივი საწვრთნელი ცენტრი  სამხედრო კუთხით, საფრთხეს არ წარმოადგენს,-ამის შესახებ ნატო-ს სამეკავშირეო ოფისის ხელმძღვანელმა, უილიამ ლაჰიუმ განაცხადა.

"ძალიან მნიშვნელოვანია გავიაზროთ, რომ ეს ცენტრი არის ორგანიზაცია, რომლის მიზანია საქართველოს მხარდაჭერა.ეს ცენტრი იქნება სამეკავშირეო ბაზაზე საქართველოში. ბაზაზე რამდენიმე ნატო-ს ოფიცერი იქნება, რომლებიც ქართველ კოლეგებთან ერთად იმუშავებენ. ამიტომ, ეს არ წარმოადგენს საფრთხეს სამხედრო კუთხით",-განაცხადა უილიამ ლაჰიუმ თავდაცვის სამინისტროში გამართულ პრესკონფერენციაზე.

 საქართველოში ნატო-ს შემფასებელთა ჯგუფის ვიზიტის მიზანი ნატო-საქართელოს ერთობლივი წვრთნისა და შეფასების ცენტრისთვის ინფრასტრუქტურის შეფასებაა. დელეგაციის წევრები ვიზიტის ფარგლებში ვაზიანის საწვრთნელ ბაზასა და ეროვნულ ცენტრ კრწანისს მოინახულებენ და მათი დასკვნის საფუძველზე ცენტრის ადგილმდებარეობა განისაზღვრება.

უილიამ ლაჰიუს თქმით, ნატო-ს ექსპერტები საქართველოს შეიარაღებულ ძალებს წვრთნების  კომპლექსის შემქნაში მხარს დაუჭერენ.

"ნატოს კვლევითი ჯგუფი ეწვია საქართველოს იმისთვის, რომ იმუშაოს საქართველოს შეიარაღებული ძალების კოლეგებთან ერთად ერთობლივი  შეფასებისა და წვრთნების ცენტრის დაარსები ის კუთხით.ჯგუფის ხელმძღვანელი ქვეყანა არის ნორვეგია, ცენტრი არის ერთ-ერთი  არსებითი ნატო-საქართველოს პაკეტის, რომელსაც მხარი დავუჭირეთ ნატო-ს სამიტზე უელსში. ნატოს ექსპერტები ასევე მხარს დაუჭერენ საქართველოს შეიარაღებულ ძალებს ამ წვრთნების კომპლექსის შექმნაში",-განაცხადა უილიამ ლაჰიუმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს