ავღანეთში „თალიბანის“ მებრძოლები ჰელმანდის ადმინისტრაციულ ცენტრში შეიჭრნენ

2016-10-10 14:36:58, 2466 ნახვა

მსოფლიო

ავღანეში თალიბი მებრძოლები ჰელმანდის პროვინციის დედაქალაქ ლაშქაარგაჰში შევიდნენ, - ამის შესახებ BBC იუწყება.

როგორც ავღანეთის შინაგან საქმეთა სამინისტრო იტყობინება, “თალიბანმა” ქალაქის საკონტროლო გამშვებ პუნქტებზე შეტევა განახორციელა.

მედიის ცნობით, ქალაქში დაკეტილია აეროპორტი და მაღაზიები, გარეუბნებში კი შეტაკებები მიმდინარეობს.

ლაშქარგაჰის ჩრდილოეთ ნაწილში მდებრე საკონტროლო გამშვებ პუნქტთან სავარაუდოდ თვითმკვლელმა ტერორისტმა დანაღმული მანქანა ააფეთქა.

როგორც BBC-ი ჰელამნდის პროვინციის მთავრობის წარმომადგენელზე დაყრდნობით წერს, აფეთქების შედეგად 14 ადამიანი დაშავდა.

ადგილობრივი მედია იტყობინება, რომ თალიბებმა ბოლანის რაიონი დაიკავეს და ქალაქის ცენტრისკენ მიემართებიან.

მედიის ინფორმაციით, ჰელმანდი თალიბებისთვის ერთ-ერთი ყველაზე მნიშვნელოვანი პროვინციაა, რადგან იქ ოპიუმს აწარმოებენ, რომლის ვაჭრობითაც მოძრაობის საქმიანობა ფინანსდება.

ჰელმანდის პროვინციაში წლების განმავლობაში ნატო-ს ძალებსა და თალიბებს შორის ბრძოლა მიმდინარეობდა. 2014 წელს ალიანსმა პროვინციაზე პასუხისმგბელობა ავღანეთის უსაფრთხოების ძალებს გადააბარა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან