ლევან ჩაჩუა: ვიცოდი, რომ მართალი ვიყავი

2015-03-16 15:41:26, 3631 ნახვა

კომენტარი

სასამართლო ექსპერტიზის ეროვნული ბიუროს სასამართლო-სამედიცინო ექსპერტიზის განყოფილების ყოფილი გამგე ლევან ჩაჩუა ჩივილსა და კომპენსაციის მოთხოვნას არ აპირებს. ამის შესახებ ჩაჩუამ თბილისის საქალაქო სასამართლოში მოსამართლის მიერ მის მიმართ გამოტანილი გამამართლებელი განაჩენის გამოცხადების შემდეგ აღნიშნა.
"ადამიანები არიან ყველგან და ხდება შეცდომა. არ არის ეს ქვეყნის დაქცევა, სამწუხაროა რომ მოხდა, მაგრამ ვუჩივლო, ვის უნდა ვუჩივლო? მართალი რომ ვიყავი ვიცოდი",-განაცხადა ლევან ჩაჩუამ.
შეგახსენებთ, საქართველოს ყოფილი პრემიერ-მინისტრის ზურაბ ჟვანიას გარდაცვალების საქმეზე ბრალდებული ექსპერტი ლევან ჩაჩუა სასამართლომ უდანაშაულოდ ცნო. გადაწყვეტილება მოსამართლე დავით მგელიაშვილმა მიიღო. სასამართლომ ლევან ჩაჩუას აღკვეთის ღონისძიების სახით შეფარდებული გირაოც გაუუქმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან