ქართული ოცნება-დემოკრატიული საქართველოს“ საბურთალოს მე-6 საარჩევნო ოლქის მაჟორიტარი დეპუტატობის კანდიდატმა ლევან გოგიჩაიშვილმა საარჩევნო კამპანიის ბოლოს, ოლქის ამომრჩეველს კიდევ ერთხელ მიმართა და მოუწოდა არჩევნებზე მისვლისკენ.

„არჩევანი, რომელსაც 8 ოქტომბერს გავაკეთებთ, განსაზღვრავს თითოეული ჩვენთაგანის მომავალს. “ქართული ოცნების” ხელისუფლებაში მოსვლით საფუძველი ჩაეყარა ქვეყნის  სწორი  მიმართულებით განვითარებას, თვისებრივად ახალი ტიპის დემოკრატიულ და თავისუფალ სახელმწიფოს. ჩვენთვის  ადამიანი მთავარი ღირებულებაა, ჩვენი  მოქალაქეების უსაფრთხოება და სოციალური დაცვა კი - უმთავრესი ამოცანა. ჩვენ დავამტკიცეთ, რომ ქვეყნის სწორად მართვას არ სჭირდება ადამიანების დამცირება და დაშინება, ქვეყნის სწორად განვითარება შესაძლებელია ძალადობის და რეპრესიების გარეშე, რომ პოლიტიკაში არის წესიერი და პატიოსანი ადამიანების ადგილი.

ახლა დადგა დრო, დაწყებული საქმე ბოლომდე მივიყვანოთ. 8 ოქტომბერს, ერთად გადავწყვიტოთ, როგორ განათლებას მიიღებენ ჩვენი შვილები, როგორი სიბერე ექნება ჩვენს უფროს თაობას, როგორი წარმატება და დასაქმება - ჩვენს ახალგაზრდებს. თქვენი მხარდაჭერა მომცემს ძალას მეტი გავაკეთო ჩვენი ქვეყნისთვის, ჩვენი ქალაქისთვის, ჩვენი უბნისთვის. გავაძლიეროთ ერთმანეთი, გავაძლიეროთ ქვეყანა.” - განაცხადა ლევან გოგიჩაიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა

ბრიტანეთში 28 წლის მამაკაცი დააკავეს, რომელიც მთავრობის და პარლამენტის ყოფილი წევრის, ენ ვიდეკომბის მკვლელობაშია ეჭვმიტანილი

ტრამპმა გარდაცვლილ ლინდსი გრეჰემს „ერთ-ერთი უდიდესი ადამიანი და სენატორი“ უწოდა