„ირმა ინაშვილი, დავით თარხან-მოურავი, საქართველოს პატრიოტთა ალიანსი - გაერთიანებული ოპოზიცია“ წინასაარჩევნოდ თბილისში მხარდამჭერებთან ერთად მსვლელობას მართავს.

მსვლელობა ვარდების მოედნიდან დაიწყო და გლდანი-მუხიანის ტერიტორიაზე დამთავრდება.

პარტიის წევრის, გლდანი-მუხიანის მაჟორიტარი დეპუტატობის კანდიდატის კახა კუკავას თქმით, პარტიის მსვლელობა ვაზისუბანში, სანზონაში დიღომსა და ზაჰესში გაიმართება.

 კუკავამ ამომრჩევლებს საარჩევნო უბნებზე მისვლისა და „პატრიოტთა ალიანსის“ მხარდაჭერისკენ მოუწოდა.

 „ვარდების მოედნიდან სხვადასხვა მაჟორიტარულ ოლქებს მსვლელობით მოვივლით. მსვლელობა იქნება ვაზისუბანში, სანზონაში, გლდანი-მუხიანის, დიღომისა და ზაჰესის საარჩევნო ოლქებში. ორი დღეა დარჩენილი არჩევნებამდე და კიდევ ერთხელ გვინდა, თბილისელებს მოვუწოდოთ საარჩევნო უბნებში აქტიურობისკენ, „ქართული ოცნება“ და „ნაციონალები“ ამ აფეთქებებით, გადატრიალებებით თუ სხვადასხვა სპექტაკლებით ყველაიანარად ცდილობენ, რომ მიიღონ ორპარტიული პარლამენტი. კიდევ ოთხი წელი ორპარტიული პარლამენტი საქართველოს დაღუპვა იქნება. ამიტომ, ჩვენ ამომრჩევლებს მოვუწოდებთ მოვიდნენ საარცევნო უბნებზე, შემოხაზონ რვიანი ან სხვა ნებისმიერი არასაპარლამენტო პარტია. უკვე დაწერილი „ნაცქოცური“ სცენარი, რომლის მიხედვითაც უნდათ მოხდეს ორპარტიული პარლამენტის მიღება,მაგრამ ჩვენ შეგვიძლია ცავშალოთ „ოცნებისა“ და „ნაციონალების“ გეგმა და ავირჩიოთ მრავალპარტიული პარლამენტი“, -განაცხადა კახა კუკავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა

ბრიტანეთში 28 წლის მამაკაცი დააკავეს, რომელიც მთავრობის და პარლამენტის ყოფილი წევრის, ენ ვიდეკომბის მკვლელობაშია ეჭვმიტანილი

ტრამპმა გარდაცვლილ ლინდსი გრეჰემს „ერთ-ერთი უდიდესი ადამიანი და სენატორი“ უწოდა