ლინკევიჩუსი: საქართველო დიდი ხანია, იმსახურებს ვიზალიბერალიზაციას

2016-10-04 16:09:06, 750 ნახვა

პოლიტიკა

საქართველო დიდი ხანია, იმსახურებს ვიზალიბერალიზაციას, - ამის შესახებ ლიტვის საგარეო საქმეთა მინისტრმა ლინას ლინკევიჩუსმა განაცხადა.

ლინკევიჩუსი იმედოვნებს, რომ აღნიშნულ საკითხთან დაკავშირებით გადაწყვეტილებას მალე მიიღებენ.

"მე უკვე არაერთხელ განვაცხადე, რომ საქართველო დიდი ხანია, იმსახურებს ვიზალიბერალიზაციას. ფორმალური დაბრკოლებები ამ მხრივ არ არსებობს. მჯერა და ვიმედოვნებ, რომ ახლა არის რეალური შანსი, რომ ამ საკითხზე გადაწყვეტილება ძალიან მალე იქნას მიღებული", - განაცხადა ლინას ლინკევიჩუსმა.

ცნობისთვის, ლიტვის მთავარი დიპლომატი საქართველოს საგარეო საქმეთა მინისტრთან მიხეილ ჯანელიძესთან ერთად ევროპული პოლიტიკის ცენტრის მიერ ორგანიზებულ ღონისძიებაში მონაწილეობდა. შეხვედრა აღმოსავლეთ პოლიტიკის საკითხებს ეძღვნებოდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან