გია ლორთქიფანიძე საქართველოში ჩამოსვლას 15 ოქტომბერს გეგმავს

2016-09-28 14:14:21, 1404 ნახვა

სამართალი

შს მინისტრის ყოფილი მოადგილე, ამჟამად კი ოდესის პოლიციის უფროსი გია ლორთქიფანიძე 15 ოქტომბერს საქართველოში ჩამოსვლას გეგმავს.

როგორც ლორთქიფანიძის განცხადებაშია აღნიშნული, 15 ოქტომბერს საქართველოში ჩამოსვლის შემდეგ ის მზადაა გამოცხადდეს როგორც სასამართლოში, ასევე საგამოძიებო ორგანოებებში, მათთვის საინტერესო კითხვებზე პასუხის გასაცემად.

"ჩემი ბრალდების საქმე ეყრდნობა 2013 წელს დაკითხულ მოწმეებს და არავითარი ახალი მტკიცებულება ე.წ. 26 მაისის საქმეზე არ არსებობს. ამ საქმეზე რამდენჯერნე დაკითხული ვარ, მათ შორის სასამართლოში. 2016 წლის სექტემბერში, როდესაც პროკურატურაში დამიბარეს მე ვიყავი უკრაინის უმაღლეს რადაში ძალინ მნიშვნელოვან საკომიტეტო მოსმენაზე, აქედან გამომდინაეე მე ვერ მოვახერხებდი ამ დროს საქართველოში ჩამოსვლას ჩემი სამსახურებრივი მდგომარეობიდან გამომდინარე", - ნათქვამია გია ლორთქიფანიძის განცხადებაში.

ცნობისთვის, ლორთქიფანიძის მიმართ დაუსწრებლად პატიმრობის შეფარდებაზე ამ წუთებში სასამართლო მსჯელობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან