აჭარის უმაღლეს საბჭოში რიგგარეშე სხდომაა დანიშნული, თუმცა,  ჯერ უცნობია შედგება თუ არა ქვორუმი. 

რიგგარეშე სხდომაზე დეპუტატებმა ვიცე–სპიკერად პარტია „ქართული ოცნება – დემოკრატიული საქართველოდან“ გარიცხული ჯემარ ფუტკარაძის არჩევის საკითხზე უნდა იმსჯელონ. 

ფუტკარაძემ ვიცე–სპიკერის პოსტზე საკუთარი კანდიდატურა თავად წარმოადგინა. 

უმაღლესი საბჭოს რიგგარეშე სხდომაზე საფინანსო კომისიის ხელმძღვანელის არჩევის საკითხიც უნდა განიხილონ, თუმცა, აღნიშნულ პოსტზე კანდიდატურა ჯერ არ დასახელებულა. 

ცნობისთვის, აჭარის უმაღლესი საბჭოს რიგგარეშე სხდომა 9 მარტსაც იყო ჩანიშნული, რომელიც  ქვორუმის არ არსებობის გამო, ჩაიშალა. 

აქვე შეგახსენებთ მოქალაქეთა პოლიტიკური გაერთიანების „ქართული ოცნება - დემოკრატიული საქართველოს“  სამდივნომ პარტიის წევრის - ჯემალ ფუტკარაძის მიმართ დისციპლინური ზომის გამოყენების საკითხი განიხლა.

"ქართული ოცნების" პრესსამსახურის ინფორმაციით,  პარტიის გენერალურმა მდივანმა - კახა კალაძემ აღნიშნა, რომ პარტიის წევრმა - ჯემალ ფუტკარაძემ, მას შემდეგ რაც მან 2014 წლის 14 სექტემბერს პარტიის სამდივნოს გადაწყვეტილებით მიიღო წერილობითი საყვედური, განმეორებით დაარღვია პარტიის წესდება, უგულვებელყო წესდებით გათვალისწინებული ვალდებულებები და მოახდინა პარტიის დისკრედიტაცია. „ქართული ოცნება - დემოკრატიული საქართველოს“ სამდივნომ ერთხმად მიიღო გადაწყვეტილება და ჯემალ ფუტკარაძის მიმართ დისციპლინური გადაცდომისათვის გამოყენებულ იქნა პარტიის წესდებით გათვალისწინებული დისციპლინური ზომა -პარტიიდან გარიცხვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს