„რესპუბლიკური პარტიის“ წევრი, თავდაცვის ყოფილი მინისტრი თინა ხიდაშელი  ექს პრემიერ-მინისტრის, ბიძინა ივანიშვილის განცხადებას Facebook-ის პირად გვერდზე გამოეხმაურა.

„ ჩვენ არ დაგვიწყია. შეურაცხყოფა არ მოგვიყენებია ანუ "შეფასებები უკვე გავაკეთე" არის პოზიცია. ადრე ბოდიშის მოხდა არ გიჭირდათ ხოლმე, სამწუხაროა. მე კი პირობას გაძლევთ აუცილებლად მოიხდით ბოდიშს პატარა კაცისთვის, უღირსის და მსგავსი საძაგლობებისთვის, რომელიც იკადრეთ.

 კითხები არსებობსო -- დასვით ბატონო ბიძინა, ოღონდ ვინმე უფრო გონიერს კითხეთ რჩევა, ვიდრე იმას ვინც საკონსტიტუციო კომისიაზე გირჩიათ, თორემ ისევ უკან დახევა მოგიწევთ;

პინგ-პონგი არა ამას უღირს უზრდელობაზე  პასუხი ჰქვია.

 ახლა არსობრივად -- ბევრი დავიჭირეთო, ნიუნბერგი არ იქნებაო, ხალხს ნაცმოძრაობა რომ არსებობს ეს აღიზიანებსო.

ამას სისტემური დანაშაული ჰქვია, იმ ენაზე თქვენ რომ მიშასავით მასხარად აიგდეთ - პროცედურების და კანონის ენაზე. 1, 5 ან 41 ინდივიდუალურად გასამართლებული არ ადასტურებს სისტემურობას თუ შესაბამისად არ გამოიძიეს და მოიკვლიეს. ამისათვის კი რაც საჭიროა იყო ჩემს 2012-2013 წლის იმაილებში ბევრი წერია და შეგიძლიათ მოიძიოთ“,-წერს ხიდაშელი.

ცნობისთვის, ივანიშვილმა განაცხადა, რომ ის „რესპუბლიკურ პარტიასთან“ პინგ-პონგის თამაშს არ აპირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები