ყოფილი პრემიერ-მინისტრის ბიძინა ივანიშვილის განცხადებით, მისი ყველაზე დიდი ქველმოქმედება არის ის, რომ ჩრდილში არ მიდის და ფუფუნებაში არ ცხოვრობს.

როგორც ივანიშვილმა სამცხე-ჯავახეთში ჟურნალისტებთან შეხვედრისას განაცხადა, მისი მაგინებლები და მაკრიტიკებელი ხალხი, ძირითადად, „ნაციონალები“ არიან და ეს გასაგებიცაა, რადგან მათ ძველი პრივილეგიების დაბრუნება სურთ.

„ყველაზე დიდ ქველმოქმედებად მიმაჩნია ის, რომ საკუთარ პიროვნებას ჩრდილში წასვლისა და ფუფუნებაში ცხოვრების საშუალებას არ ვაძლევ. მინდა, ჩემი ცოდნა და ენერგია ქვეყანას მოვახმარო, რათა ის სწორი გზით განვითარდეს. რაც შეეხება ჩემს მაგინებლებსა და მაკრიტიკებლებს, ერთ ანდაზას ვიტყვი - ვირისგან წიხლი არ უნდა გეწყინოსო. „ნაციონალებისგან“ კრიტიკა გასაგებია, უნდა მაკრიტიკონ და მაგინონ. ერთი კაცის მეთაურობით, პატარა ჯგუფს მთელი ქვეყანა ფეხქვეშ ქონდა გადებული. ახლა ასე აღარ არის - ზოგი მიმალვაშია, ზოგი ციხეშია და დანარჩენები აგრესიულად ცდილობენ, რომ ადრინდელი მდგომარეობა დაიბრუნონ.  კიდევ ერთ-ორ პარტიას დავასახელებ. მაგალითად, თავისუფალი-დემოკრატები. ირაკლი ალასანია თავდაცვის მინისტრი იყო და როგორც კი იქ პროკურატურაში შევიდა, მაშინვე ალასანიას ჯგუფმა დაიწყო ლაპარაკი რომ ხელისუფლებამ ევროატლანტიკური კურსი შეცვალაო და მერე აღარ იცოდნენ თუ როგორ „გაეპრავებინათ“ საკუთარი ნათქვამი. მათ ახალაიასთან და მერაბიშვილთან გაავლეს პარალელი და ამბობენ, რომ თავდაცვის სამინისტროს თანამშრომლები ჩემი პირადი პატიმრები არიან. რა უნდათ? რას ითხოვენ? რა შუაში ვარ მე? ახლა დავასიათებ „რესპუბლიკელებს“. მათ მოთხოვნებს და შესაძლებლობებს შორის დიდი სხვაობაა. თუნდაც ის ლეგენდა ავიღოთ, რომ თითქოს მე „რესპუბლიკელებს“ პრემიერის პოსტსა და კოალიციაში მთავარი პარტიის როლს ვთავაზობდი. ისინი ამბობენ, რომ თუ არ ვაღიარებ ამ ყველაფერს დააბრუნეთ 2012 წელი და „ნაციონალებს“ მარტო შევებრძოლებითო. ამხელა ამბიცია აქვთ და ამაში, ალბათ, დამარცხების პერსპექტივაც იგულისხმება. მათ წყევლის ნაცვლად, მე მაინც დავლოცავდი“, - განაცხადა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა