ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის მოადგილემ მარიამ რაქვიაშვილმა მონაწილეობა მიიღო ქ. ტალინში გამართულ ნატო-ს ინფორმაციისა და კომუნიკატორების კონფერენციაში. ვიზიტის ფარგლებში სახელმწიფო მინისტრის მოადგილემ სამუშაო შეხვედრები გამართა ესტონეთის რესპუბლიკის სპეციალურ წარმომადგენელთან ევროკავშირის ინსტიტუტებში, მატტი მაასიკასთან და საგარეო საქმეთა სამინისტროს კომუნიკაციის დეპარტამენტის გენერალურ დირექტორთან, მარია ბელოვაშთან, ასევე, თავდაცვისა და უსაფრთხოების საერთაშორისო ცენტრის აღმასრულებელი საბჭოს დირექტორთან, იური ლუიკთან და „ლენნარტ მერის კონფერენციის“ დირექტორთან, რიინა კალიურანდთან.

შეხვედრებზე მხარეებმა განიხილეს საქართველო-ესტონეთის თანამშრომლობა, საქართველოს ევროინტეგრაციის პროცესი, მიღწეული პროგრესი და არსებული გამოწვევები, ევროკავშირთან უვიზო მიმოსვლის საკითხი, ოკუპირებულ ტერიტორიებზე შექმნილი მდგომარეობა, ასევე, სტრატეგიულ კომუნიკაციის საკითხები. მარიამ რაქვიაშვილმა ესტონელ კოლეგებს მიაწოდა ინფორმაცია ქართული მხარის პრიორიტეტებთან, განხორციელებულ სამუშაოსა და სამომავლო ხედვებთან დაკავშირებით. ესტონურმა მხარემ კიდევ ერთხელ დაადასტურა საქართველოს მიმართ მხარდაჭერა და შემდგომი თანამშრომლობის მზადყოფნა.

თავდაცვისა და უსაფრთხოების საერთაშორისო ცენტრში გამართულ შეხვედრაზე მხარეებმა განიხილეს ცენტრსა და სახელმწიფო მინისტრის აპარატს შორის თანამშრომლობის შესაძლებლობები, მათ შორის, ერთობლივი ღონისძიებების ორგანიზების მიმართულებით.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა