„ქართული ოცნება - დემოკრატიული საქართველოს“ მარტვილი-აბაშის მაჟორიტარობის კანდიდატი ოთარ დანელია მარტვილის მუნიციპალიტეტის სოფლების სერგიეთის, ინჩხურის, გაჭედილისა და ბალდის მოსახლეობას შეხვდა. 

როგორც ოთარ დანელიამ აღნიშნა, „ქართული ოცნებისთვის“ თანაბრად პრიორიტეტული იქნება ყველა სფერო, განსაკუთრებული ყურადღება კი მიექცევა გაზიფიცირებას, წყლის არხების გაყვანას, გზების კეთილმოწყობას, ასევე, ჩაის კულტურას, რომელსაც სამეგრელოში წლების წინ საკმაოდ დიდი ტერიტორია ეკავა. ოთარ დანელიამ სოფელ სერგიეთში მდებარე საფეხბურთო სკოლის სარეაბილიტაციო სამუშაოებიც დაათვალიერა. რეაბილიტაციის პროექტი ორ ეტაპად დაიგეგმა: პირველი ეტაპი შენობა-ნაგებობის გადახურვას ითვალისწინებდა, რომელიც ადგილობრივმა მუნიციპალიტეტმა 186 000 ლარით დააფინანსა. სამუშაოები ამჟამად დასრულებულია. მუნიციპალური განვითარების ფონდის მიერ წარდგენილი პროექტი ევროპის რეკონსტრუქციის ბანკმა სრულად დააფინანსა. 2016 წლის 2 სექტემბერს საფეხბურთო სკოლის შენობის სრული რეკონსტრუქციისთვის გამოცხადებულია 804 000 ლარიანი ტენდერი, რომელიც 2016 წლის 3 ოქტომბერს დასრულდება. 2017 წლიდან საქართველოს ფეხბურთის ფედერაცია გეგმავს, ააშენოს ხელოვნურსაფარიანი მოედანი, ასევე აქტიურად განიხილება,რომ ამ ბაზამ რეგიონული ცენტრის ფუნქცია იტვირთოს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა