მტკნარი სიცრუეა, რომ „რესპუბლიკური პარტია“ უნდა გამხდარიყო ძირითადი ძალა კოალიციაში და უსუფაშვილი პრემიერ-მინისტრი, - ამის შესახებ საქართველოს ყოფილმა პრემიერ-მინისტრმა ბიძინა ივანიშვილმა განაცხადა.

როგორც ყოფილმა პრემიერმა აღნიშნა, პარლამენტის თავმჯდომარე, პრემიერად გიორგი კვირიკაშვილის დანიშნვით კმაყოფილი იყო.

"აბსოლუტური სიცრუეა ეს ყველაფერი. ის, რომ კვირიკაშვილი არის მისი აღმოჩენა, ესეც აბსოლუტურ სიცრუეა. ერთადერთი რასაც გავიხსენებდი კვირიკაშვილთან დაკავშირებით, როდესაც კვირიკაშვილი გახდა პრემიერ-მინისტრი, უსუფაშვილი იყო აღფრთოვანებული და ძალიან გახარებული, რომ ასეთი ძლიერი პრემიერ-მინისტრი იყო. დავით უსუფაშვილს ჰქონდა პრობლემები ირაკლი ღარიბაშვილთან, ღარიბაშვილიც კარგი პრემიერ-მინისტრი იყო და ეგონა, რომ კვირიკაშვილთან უფრო იოლად დაალაგებდა. ღარიბაშვილმა მას ყველა ბრძოლა მოუგო, უფრო ძლიერი ლიდერი და ძლიერი პოლიტიკოსი გამოდგა ღარიბაშვილი, თუმცა გამოუცდელი მოვიდა. უსუფაშვილმა მასთან ვერაფერი მოახერხა, ვერაფერი გააწყო და ძალიან გაუხარდა კვირიკაშვილის მოსვლა. რა თქმა უნდა ამას არავითარი კავშირი არ აქვს იმასთან, რომ კვირიკაშვილის კანდიდატურა მიკარნახა და ასეთ ზღაპრებს ყვება ამხელა კაცი, საოცრებაა. ერთადერთი რაც სიმართლე თქვა, მე მინდოდა, რომ "რესპუბლიკური პარტია" დაეტოვა”, - განაცხადა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი