„ჩვენ მთლიანად კონცენრტირებული ვართ  იმაზე, რომ საქართველოში განსაკუთრებით რეგიონებში ეკონომიკური პროცესები გააქტიურდეს“,-ამის შესახებ პრემიერ -მინისტრმა ირაკლი ღარიბაშვილმა  რეგიონული ხელისუფლების წარმომადგენლებთან შეხვედრის წინ  ჟურნალისტებს განუცხადა.

მისივე  შეფასებით, რეგიონში ბოლო პერიოდში  რთული პროცესები ვითარდება, რომელიც საქართველოსაც შეეხო.

„მთავარი თემები რაც მინდა  გამოვყო, ეს არის რეგიონში მიმდინარე პროცესები.  ასევე პროექტები, რომლებიც ჩვენ გვაქვს დაგეგმილი. მთავარი გამოწვევები რა გაქვთ ?!- რომ ერთობლივად ერთიანი ძალისხმევით გადავწყვიტოთ ბოლო პერიოდში რეგიონში საკმაოდ რთული პროცესები ვითარდება , რა თქმა უნდა ეს ჩვენს ქვეყანასაც შეეხო  და ჩვენ ვერ ვიქნებით გამონაკლისი. პირველ რიგში ეკონომიკური კუთხით ჩვენთვის მთავარია რამდენადაც შესაძლებელია ეს პრობლემები სწრაფად დავძრათ,  რადგან მოსახლეობისთვის რაც შეიძლება უმტკივნეულოდ ჩაირაოს ამ პრობლემებმა და გადავიდეთ სწრაფ წინსვლაზე. ჩვენ მთლიანად კონცენტრირებულები  ვართ იმაზე, რომ საქართველოში და განსაკუთრებით რეგიონებში ეკონომიკური პროცესები გააქტიურდეს“,-აღნიშნა ღარიბაშვილმა.
ღარიბაშვილმა აქვე დასძინა, რომ მსგავსი გაფართოებული რეჟიმის შეხვედრები უნდა გააქტიურდეს.
ცნობისთვის, პრემიერ–მინისტრი ირაკლი ღარიბაშვილი ამწუთებში სასტუმრო "ქორთიარდ მარიოტში" გუბერნატორებს, ქალაქების მერებსა და მუნიციპალიტეტების გამგებლებს ხვდება. შეხვედრაში ეკონომიკური გუნდის მინისტრები მონაწილეობენ. ამასთან, შეხვედრას ესწრებიან განათლების, ჯანდაცვის, იუსტიციისა და სოფლის მეურნეობის მინისტრებიც. შეხვედრაზე, რომელიც დახურულ კარს მიღმა მიმდინარეობს, სხვადასხვა მუნიციპალიტეტებში პროექტებისა და პროგრამების მიმდინარეობასთან დაკავშრებულ საკითხებზე იქნება საუბარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა