„საქართველოს პატრიოტთა ალიანსის" გენერალური მდივნის, ირმა ინაშვილის განცხადებით, გუშინ ღამით პარტიის ანალიტიკური ცენტრის კომპიუტერები დააზიანეს და მნიშვნელოვანი ინფორმაცია წაიღეს.

 ინაშვილს ეჭვი აქვს, რომ პარტიის ანალიტიკური ცენტრის კომპიუტერებზე მოსასმენი აპარატურაა დამონტაჟებული.

ირმა ინაშვილი მომხდარ ფაქტს, პარტიის წინააღმდეგ მიმართულ დივერსიას უწოდებს.

 "გუშინ ღამით, ჩვენი ანალიტიკური ცენტრის კომპიუტერები დააზიანეს. მოხდა ქურდობა, წაღებულია ინფორმაცია, კომპიუტერებიდან დამტენი მოწყობილობაა ამოღებული. არის ეჭვი, რომ ჩვენი ანალიტიკური ცენტრის კომპიუტერებზე მოსასმენი აპარატურა დამაგრდა. რაც ყველაზე საგულისხმოა, საგარეჯოში ჩემი მხარდამჭერების თაობაზე, ძალიან მნიშვნელოვანი ინფორმაციაა გატანილი. მივმართავ სამართალდამცავ ორგანოებს, რომ გამოძიება დაიწყონ. ჩვენ მზად ვართ ვითანამშრომლოდ მათთან და ყველა საჭირო ინფორმაცია მივაწოდოთ. ამ ფაქტთან დაკავშირებით ჩვენ საელჩოებს და ჩვენს პარტნიორ ორგანიზაციებს საქმის კურსში ჩავაყენებთ. ეჭვი არავისზე არ გვაქვს, ეს სამართალდამცავმა ორგანოებმა უნდა გამოავლინონ. ეს არის ჩვენი პარტიის წინააღმდეგ მიმართული დივერსია", - განაცხადა ინაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს