გერმანიის საგარეო საქმეთა მინისტრი ფრანკ-ვალტერ შტაინმაიერი საქართველოს პრემიერ–მინისტრს მადლობას უხდის თბილისში ვიზიტის დროს გამოჩენილი მასპინძლობისთვის, რასაც ორ ქვეყანას შორის არსებული მეგობრული ურთიერთობების გამოხატულებად აფასებს. გიორგი კვირიკაშვილისადმი გამოგზავნილ წერილში, გერმანიის საგარეო საქმეთა მინისტრი ხაზს უსვამს ორმხრივი ეკონომიკური ინიციატივების წარმატებას და აცხადებს, რომ მიმდინარეობს  მზადება 2017 წელს გერმანია-საქართველოს წლის აღსანიშნავად და 2018 წელს დაგეგმილი ფრანკფურტის წიგნის ბაზრობისთვის.

ფრანკ-ვალტერ შტაინმაიერი გამოთქვამს სრულ მხარდაჭერას საქართველოს ხელისუფლების საგარეო კურსის მიმართ, რაც მისივე თქმით, პრემიერ–მინისტრ გიორგი კვირიკაშვილის პოლიტიკურ შორსმჭვრეტელობასა და სეპარატისტულ რეგიონებთან ურთიერთობაში კონსტრუქციულ დამოკიდებულებაში გამოიხატება.

„მსურს, გულითადი მადლობა გადაგიხადოთ ჩემი თბილისში ვიზიტის დროს თქვენ მიერ გამოჩენილი სტუმართმოყვარეობისა და უშუალო და ხანგრძლივი საუბრისათვის. ეს ვიზიტი ჩემთვის იყო გერმანიასა და საქართველოს შორის არსებული მეგობრული ურთიერთობების გამოხატულება და ასევე ფრიად საინტერესო პირადი თვალსაზრისითაც. ძალიან მიხარია ორმხრივი ეკონომიკური ინიციატივების წარმატება და ის ფაქტი, რომ აქტიურად მიმდინარეობს მზადება 2017 წელს გერმანია-საქართველოს წლის აღსანიშნავად და 2018 წელს დაგეგმილი ფრანკფურტის წიგნის ბაზრობისთვის. აღნიშნული ღონისძიებები კიდევ უფრო დაახლოებს გერმანელ და ქართველ ხალხს და გააღრმავებს კულტურულ ურთიერთობებს ჩვენს ქვეყნებს შორის.

ვაფასებ თქვენს საგარეო პოლიტიკურ შორსმჭვრეტელობასა და იმ კონსტრუქციულ დამოკიდებულებას, რომელსაც სეპარატისტულ რეგიონებთან ურთიერთობაში იჩენთ. ყველანაირად ვეცდებით, მხარი დავუჭიროთ აღნიშნულ კურსს, როგორც პოლიტიკურად, ასევე ნდობის აღდგენისკენ მიმართული პროექტების განხორციელებით.

შეგიძლიათ დარწმუნებული იყოთ, რომ ძალისხმევას არ დავიშურებ და მაქსიმალურად დავუჭერ მხარს - როგორც გერმანიაში, ასევე ევროკავშირში - საქართველოსთან პოლიტიკური, ეკონომიკური და კულტურული კავშირების გაძლიერებასა და ვიზალიბერალიზაციის პროცესის სწრაფად დასრულებას,"–ნათქვამია შტაინმაიერის წერილში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში

კობახიძე: ეუთო-ს საპარლამენტო ასამბლეა ჯო უილსონის დონემდე დავიდა, ტრაგიკული მოვლენაა