მთავრობამ მეუფე იაკობს 22 011 ლარის ღირებულების Toyota Landcruiser გადასცა

2015-03-10 16:40:17, 707 ნახვა

პოლიტიკა

მთავრობამ კათოლიკოს–პატრიარქის ქორეპისკოპოს იაკობს 22 011 ლარის ღირებულების შავი ფერის Toyota Landcruiser სახელმწიფო ნომრით ROS – 300 გადასცა.

აღნიშნული ბრძანება საქართველოს ეკონომიკისა და მდგრადი განვითარების მინისტრმა გიორგი კვირიკაშვილმა გამოსცა.

უწყებამ ეს გადაწყვეტილება მეუფე იაკობის წერილის საფუძველზე მიიღო.

ეპისკოპოსმა ეკონომიკის სამინისტროს წერილით 2014 წლის 8 ოქტომბერს მიმართა, უწყებამ კი, მოძრავი ქონების მეუფესთვის უსასყიდლოდ გადაცემის ბრძანება 2015 წლის 26 იანვარს გამოსცა.

დღესვე აღნიშნული ინფორმაცია არასამთავრობო ორგანიზაცია TDI-მმა გაავრცელა. ორგანიზაციამ აღნიშნული ბრძანება ეკონომიკისა და მდგრადი განვითარების სამინისტროდან რომელიც ეკონომიკისა და მდგრადი განვითარების სამინისტროდან გამოითხოვა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან