„რესპუბლიკური პარტიის“ თავმჯდომარე საარჩევნო ოლქებთან დაკავშირებით საქართველოს პრემიერ-მინისტრის განცხადებას გამოეხმაურა და განაცხადა, რომ საარჩევნო ოლქების გადანაწილება პირველი ეტაპი იყო, რომელიც აუცილებლად უნდა განხორციელებულიყო.

სამნიძეს თქმით, კოალიციაში ყოფნისას პარტნიორებთან ერთად შეთანხმდნენ, რომ პირველი ეტაპი იქნებოდა ოლქების გადანაწილება და მხოლოდ 8 ოქტომბრის საპარლამენტო არჩევნებისთვის იქნება, ხოლო მეორე ეტაპი მაჟორიტარული სისტემის გაუქმებას ითვალისწინებს.

როგორც სამნიძე მიიჩნევს, ამომრჩეველთა ხმების თანაბრობის გამო, ოლქების განაწილების გადაწყვეტილება გარდაუვალი იყო.

 „ეს ამომრჩეველს არ დააბნევს, თუმცა შესაძლოა, პარტიებისთვის გარკვეული გამოწვევა იყოს”, - განაცხადა სამნიძემ. 

შეგახსენებთ, რომ საქართველოს პრემიერ-მინისტრმა დღეს ამომრჩევლებთან შეხვედრისას განაცხადა, რომ საარჩევნო ოლქების დაყოფასთან დაკავშირებით განხორციელებული ცვლილება, რომელიც საქართველოს მოსახლეობის მათემატიკური რაოდენობით დაყოფას  გულისხმობს, სამართლიანი არ არის. 

როგორც გიორგი კვირიკაშვილმა აღნიშნა, აუცილებელია, პარლამენტში საქართველოს ცალკეულ კუთხეებს წარმომადგენლობა ჰყავდეს.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Hürriyet: თურქეთის მიერ რუსეთისგან შეძენილი S-400-ები სპარსეთის ყურის ერთ-ერთ ქვეყანას მიჰყიდეს

თბილისში დააკავეს 1 პირი, რომელმაც არასრულწლოვანი დანით დაჭრა და მიიმალა

CNN: ისრაელი ლიბანს უახლოეს დღეებში ოკუპირებული ტერიტორიების ნაწილს დაუბრუნებს

თეთრ სახლში ილია თოფურიას ორთაბრძოლის დროს, თავდასხმა იგეგმებოდა - 8 ეჭვმიტანილი დააკავეს